बैंकको हकप्रदमा गत असार २६ गतेसम्म कायम रहेका सेयरधनीले मात्र आवेदन गर्न पाउनेछन् । यसअघि सेञ्चुरीमा गाभिएका इन्नोभेटिभ र अरनिको डेभलपमेन्ट बैंकका सेयरधनीले समेत हकप्रदमा आवेदन गर्न पाउनेछन् ।
सेयरधनीले सेयर विक्री प्रबन्धक सिभिल क्यापिटल सिटिसि मल सुन्धारा, तथा सेञ्चुरी बैंकका सबै शाखा कार्यालयबाट भदौ १८ गतेसम्म आवेदन दिन सक्नेछन् ।
हाल सेञ्चुरीको चुक्ता पूँजी ४ अर्ब ७१ करोड ३५ लाख रुपैयाँ रहेको छ । ४० हकप्रद बिक्रीपश्चात बैंकको चुक्ता पूँजी ६ अर्ब ६० करोड ३० लाख रुपैयाँ पुग्नेछ ।
सेञ्चुरीले सगरमाथा फाईनान्सलाई समेत आफुमा विलय गराएर एकीकृत कारोबार सुरु गरिसकेको छ । तर यो हकप्रदमा साबिकका सगरमाथा फाइनान्सका सेयरधनीले आवेदन दिन पाउने छैनन् ।
सोमबार नेप्सेमा सगरमाथा फाइनान्स एक्वायरपश्चातको ७४ लाख ७० हजार ६५२ कित्ता सेयर समेत नेप्सेमा सूचिकृत भएको छ । सेञ्चुरीले अल्पाईन डेभलपमेन्ट बैंक र सेती फाइनान्सलाई प्राप्ती प्रकृयामा नै रहेको छ ।
सबै संस्थालाई प्राप्ती गरीसक्दा बैंकको चुक्ता पूँजी ७ अर्ब ९० करोड रुपैयाँ पुग्नेछ । बैंकले चालु आर्थिक बर्षको नाफाबाट थप १० करोड रुपैयाँको बोनस वितरण गर्दा राष्ट बैंकले तोकेको आठ अर्ब चुक्ता पूँजी सहजै पुग्ने देखिन्छ ।
