ज्योति विकास बैंकले राप्तीभेरी विकास बैंकलाई एक्वायर गर्न स्वीकृतिका लागि विशेष साधारण सभा बोलाएको हो ।
साउन २९ गते बिहान ११ बजे अमृतभोग, कालिकास्थानमा बोलाईएको विशेष साधारणसभामा संयुक्त एक्विजिसन समितिले निर्धारण गरे बमाेजिम ज्योति र राप्तीभेरी विकास बैंकबिच भएको एक बराबर एक सेयर स्वाप रेसियो अनुमोदन गर्ने, एक्विजिसन सम्बन्धी भएका सम्पूर्ण सहमति र सम्झौतापत्रहरु अनुमोदन गर्ने विशेष प्रस्ताव पेश हुनेछ ।
हाल दुई अर्ब २० करोड ८६ लाख रुपैयाँ चुक्ता पूँजी रहेको ज्योतिले १४ करोड ३७ लाख रुपैयाँ चुक्ता पूँजी रहेको राप्तीभेरीलाई प्राप्ती गर्न लागेको हो ।
त्यस्तै विजय लघुवित्त वित्तीय संस्था (VLBS) ले पनि विशेष साधारण सभाका लागि साउन २४ गतेदेखि सेयरधनी किताब बन्द गर्ने भएको छ । यसअनुसार बुक क्लोज भएको अघिल्लो दिन अर्थात साउन २३ गतेसम्म कारोबार गरी सेयर खरीद गरेका शेयरधनीहरुले विशेष साधारण सभामा भाग लिन पाउनेछन् ।
भदौ ४ गते बिहान ११ बजे होटल रेड कार्पेट, चितवनमा बोलाएको साधारणसभाको विशेष प्रस्तावमा वित्तीय संस्थाको नियमावलीको दफा संशोधन गर्ने विशेष प्रस्ताव रहेको छ ।