सूचिकृत कम्पनीहरुले गत आर्थिकबर्ष अर्थात ०७३ /०७४ को वित्तीय विवरण धमाधम प्रकाशीत गर्ने क्रम बढेको छ । यसै सिलसिलामा असोजभित्र साधारणसभा गर्ने सम्भावित कम्पनीहरुले गत आर्थिक बर्षको वित्तीय विवरण समेत प्रकाशित गरिसकेका छन ।
पछिल्ला तीन बर्षमा सानिमा बैंक र सिटिजन बैंकले असोजभित्रै नियमित साधारणसभा सम्पन्न गरेका छन । यी दुवै कम्पनीले गत आर्थिक बर्षको वित्तीय विवरण समेत प्रकाशित गरिसकेका छन । त्यस्तै ७०/०७१ मा असोजमै साधारणसभा गरेको ग्लोबल आइएमई बैंकले पनि गत बर्षको वित्तीय विवरण प्रकाशित गरेको छ । एभरेष्टको भने वित्तीय विवरण सार्वजनिक भएको छैन ।
यसैगरी अघिल्लो बर्ष असोजमै एनआईसी एशिया, नबिल बैंक र नेपाल इन्भेष्टमेन्ट बैंकले साधारणसभा सम्पन्न गरेका थिए । यी कम्पनीहरुले पनि असोजभित्रै आगामी साधारण गर्ने सम्भावना देखिन्छ । एनआईसी एशियाले गतबर्षको वित्तीय विवरण सार्वजनिक गरिसकेको छ भने इन्भेष्टमेन्ट र नबिलले वित्तीय विवरण सार्वजनिक गर्न बाँकी छ ।