बैंकले एक अर्ब ९० करोड ९० लाख ७७० रुपैयाँ बराबरको ६१ लाख ५८ हजार ०६७ कित्ता थप संस्थापक शेयर बिक्री गर्न नबिल इन्भेष्टमेन्ट बैंकिंग लिमिटेडलाई बिक्री प्रबन्धक नियुक्त गरिसकेको थियो ।
नेपाल धितोपत्र बोर्डले सूचिकृत कम्पनीहरुले संस्थापक थप नयाँ साधारण सेयर निष्काशन गर्ने सम्बन्धि प्रावधान नरहेकाले बैंक अफ काठमाण्डूलाई एफपिओ निष्कासनमा रोक लगाएको बताएको छ । बोर्डका प्रवक्ता निरज गिरीले संस्थापक एफपिओको प्रावधान नभएकाले बिओकेएललाई एफपिओ निष्कासनमा रोक लगाईएको बताए । बैंकले अन्य विकल्पहरुबाट पूँजी बढाउन सक्ने गिरीले बताए ।
बैंकले संस्थापक तथा सर्वसाधारण शेयरधनीको पूँजी संरचना ५१ः४९ प्रतिशत कायम गर्नको लागि संस्थापक एफपिओ बिक्रीको योजना अघि सारेको थियो । बैंक अफ काठमाण्डू र लुम्बिनी बैंक एक आपसमा गाभिए पश्चात बैंकको साधारण सभाले संस्थापक शेयरधनीको शेयर स्वमित्व ४५.६४ प्रतिशतबाट कम्तीमा ५१ प्रतिशत पुयाउन थप संस्थापक शेयरको निष्काशन गर्ने निणर्य गरेको थियो ।
यता बैंक स्रोतले भने संस्थापक एफपिओ निष्काशन प्रक्रिया स्थगित भएपछि नयाँ विकल्पबारे छलफल चलिरहेको बताएको छ । बैंकका एक अधिकारीले भने, नेपाल टेलिकमले सर्वसाधरणमा सेयर बिक्री गरे जस्तै गरी लिलाम गर्ने वा अरु कुनै विकल्पमा जाने भन्ने बारेमा बैंक संचालक समितिले निर्णय गर्नेछ ।