नेपाल स्टक एक्सचेञ्ज (नेप्से) ले छ्याङ्दीले हाइड्रोपावरको पहिलो सेयर कारोबारका लागि ९० रुपैयाँदेखि २९४ रुपैयाँ मूल्य निर्धांरण गरेको छ । यसअनुसार कम्पनीको पहिलो कारोबार ९० रुपैयाँदेखि २९४ रुपैयाँ बिचमा काराेबार खुला हुनेछ ।
२७ करोड रुपैयाँ चुक्ता पूँजी रहेको कम्पनीले गत जेठ १४ देखि १८ गतेसम्म पाँच लाख ४० हजार कित्ता साधारण सेयर (आईपीओ) सर्वसाधारणमा जारी गरिसकेकाे छ । लमजुङ जिल्लाका आयोजना प्रभावितका लागि कम्पनीले दुई लाख ७० हजार कित्ता साधारण सेयर जारी गरेको छ भने ७० प्रतिशत सेयर संस्थापकहरुको रहेको छ ।
कम्पनीले लमजुङमा २ मेगावाट क्षमताको जलविद्युत आयोजनाले नियमित विद्युत उत्पादन सुरु गरी केन्द्रिय प्रशारण लाइनबाट विद्युत बितरण गरिरहेको छ । उसले ४ मेगावाटको अपर छ्याङ्दी आयोजना समेत निमार्ण गर्दैछ ।
