कम्पनीले प्रतिकित्ता एक सय रुपैयाँ अंकित सेयरमा १२० रुपैयाँ प्रिमियम थप गरी २ सय २० का दरले ९ लाख ८३ हजार ६ सय ८२ कित्ता एफपीओ निष्कासन गर्न लागेको हो । कम्पनीको एफपीओमा न्यूनतम १० कित्तादेखि अधिकतम ४ हजार ९०० कित्तासम्म आवेदन दिन पाइनेछ ।
अहिले दोस्रो बजारमा फाइनान्सको प्रतिकित्ता सेयरमूल्य २५२ रुपैयाँको हाराहारीमा रहेको छ ।
फाइनान्सको सेयर बिक्री प्रबन्धकमा एनआइबीएल क्यापिटल मार्केट रहेको छ । लगानीकर्ताले आश्वा अनुमति पाएका सम्पूर्ण बैंक तथा वित्तीय संस्थाबाट आवेदन दिन पाउनेछन् ।
हाल फाइनान्सको चुक्ता पूँजी ५५ करोड ७४ लाख रुपैयाँ छ । एफपीओ बिक्रीपछि फाइनान्सको चुक्ता पूँजी ६५ करोड ५७ लाख पुग्नेछ ।
फाइनान्सले गत आर्थिक वर्षको चौथो त्रैमासमा ८ करोड ७७ लाख रुपैयाँ खुद नाफा कमाएको छ । कम्पनीको प्रतिसेयर आम्दानी १५ रुपैयाँ ७४ पैसा छ भने प्रतिसेयर नेटवर्थ १३८ रुपैयाँ ५० पैसा छ ।
कम्पनीले संस्थापक तथा साधारण सेयरको अनुपात ५१: ४९ कायम गर्न एफपीओ जारी गर्ने भएको हो ।
साथै कम्पनीले एफपीओ जारी गरेपछि कायम पूँजीको १५ प्रतिशत हकप्रद बिक्री गर्ने प्रस्ताव समेत २० औ बार्षिक साधारणसभाबाट पारित गराईसकेको छ । हकप्रद पश्चात कम्पनीको पूँजी ७५ करोड नाघ्नेछ ।