बैंकको सेयर विक्री प्रबन्धक एनआईबिएल क्यापिटलले सेयर पाउन नसक्ने लगानीकर्ताले आवेदन फारममा उल्लेख गरेको खातामै रकम फिर्ता गर्न लागेको हो । यसबाट लगानीकर्ताले चेक संकलन गरी फेरी बैंकमा जम्मा गर्नुपर्ने झण्झट समाप्त भएको छ ।
हाम्रो विकास बैंकले संस्थापक समूह तर्फको तीन लाख ९१ हजार ६३६ कित्ता तथा साधारण समूह तर्फको ५९ हजार ४८५ कित्ता सेयरमा साउन ५ गतेदेखि शिलबन्दी बोलपत्र आह्वान गरी गत आईतबार खुला गरेको हो । जसमा २४२ रुपैयाँभन्दा बढि मूल्यमा आवेदन गर्ने २०८ मध्ये १०७ जनाले सेयर प्राप्त गरेका थिए । हाथवे इन्भेष्टमेन्टले सबैभन्दा बढि १० हजार कित्ता साधारण सेयर २५५ रुपैयाँमा सकारेको थियो भने सबैभन्दा बढि २९५ रुपैयाँसम्मको आवेदन परेको थियो ।
संस्थापक समुहमा एक सय एक रुपैयाँ एक पैसा आवेदन गर्ने साविकका सबै १५ जना संस्थापक सेयरधनीले सेयर पाएका छन् । संस्थापक समुहको एक लाख ८५ हजार कित्ता सेयर बैंकले फेरी लिलामीमा ल्याउनेछ ।
