मुक्तिनाथ विकास बैंकको ४० प्रतिशत हकप्रद सेयरको समायोजनपछि नेप्सेले ७०४ रुपैयाँ निर्धारण गरेको छ । बैंकको आधार मूल्य ८४९ रुपैयाँ रहेको नेप्सेले जनाएको छ ।
मुक्तिनाथले भदौ ४ गतेदेखि असोज ८ गतेसम्म १० बराबर ४ कित्ता अनुपातमा प्रतिकित्ता एक सय रुपैयाँ दरको ६१ लाख ७० हजार ८६५ कित्ता हकप्रद बिक्री गर्न लागेको हो ।
त्यस्तै शुक्रबार नै नेप्सेले काबेली विकास बैंकको ५० प्रतिशत हकप्रद सेयरपछि मूल्य समायोजन गरेकाे छ । नेप्सेले हकप्रदलाई समायोजन गर्दा बैंकको सेयरमूल्य ४३९ निर्धारण हुन आएको जनाएको छ । १८० दिनको सेयर कारोबारको आधारमा नेप्सेले बैंकको आधार मूल्य ४८३ तोकेको छ ।
काबेलीको आठौं वार्षिक साधारण सभाले २ बराबर १ को अनुपातमा तीन लाख ५० हजार ८८० कित्ता हकप्रद निष्कासन गर्ने प्रस्ताव पारित गरेको थियो । बैंकले हकप्रद निष्काशनकाे मिति भने ताेकिसकेकाे छैन ।