अघिल्लो आर्थिक बर्षको तुलनामा बैंकको नाफामा ७ प्रतिशतले कमी आएको छ । बैंकको संचालन नाफा घटेपछि नाफा प्रभावित भएको हो । यद्यपी बैंकको खुद ब्याज आम्दानी भने बढेको छ ।
बैंकले यसअवधिमा दुई अर्ब निक्षेप संकलन गरेको छ भने एक अर्ब तीन करोड कर्जा परिचालन गरेको छ ।
बैंकको चुक्तापूँजी १५ करोड १० लाख र जगेडा कोषमा ४ करोड छ । बैंकको निष्क्रिय कर्जा २.२७ र सिडी रेशियो ४९.७५ प्रतिशत रहेको छ ।
अहिले नै आठ रुपैयाँ ७१ पैसा प्रति सेयर आम्दानी रहेको कम्पनीले २२५ प्रतिशत हकप्रद बेचेपछि के हाल होला भन्ने कुरा बिचारणीय छ ।
बैंकले २२५ प्रतिशत हकप्रद बिक्रीको प्रक्रिया समेत अगाडि बढाएको छ । राष्ट्र बैंकको निर्देशन अनुसार बैंकले चुक्तापूँजी ५० करोड पुर्याउनु पर्नेछ ।
२२५ प्रतिशत हकप्रद जारी गरेपछि बैंकको प्रतिसेयर आम्दानी निकै घट्नेछ । त्यसकारण बैंकले आम्दानीको क्षेत्र पहिचान गरि उल्लेख्य बढाउनुपर्ने देखिन्छ । पूँजी बढेअनुसार आम्दानी बढाउन नसक्ने बैंक तथा वित्तिय संस्थाको सेयर हकप्रदको लोभमा उचालिएर हैन, घटेर न्युन बिन्दुमा आएको बेलामा मात्र किन्नुपर्छ ।