निक्षेप तथा कर्जाको आकार बढाएको बैंकले खुद व्याज आम्दानी नौ प्रतिशतले बढाएर तीन अर्ब ७६ करोड रुपैंया पुर्याएको छ । ९२ अर्ब ८८ करोड ११ लाख रुपैयाँ निक्षेप संकलन गरेको बैंकले ७७ अर्ब ६५ करोड ४९ लाख रुपैंया कर्जा प्रवाह गरेको छ । यस क्रममा बैंकले निष्कृय कर्जा अनुपात १.२३ प्रतिशतबाट ०.८७ प्रतिशतमा झारेको छ ।
बैंकले ९१ करोड ५२ लाख ५७ हजार रुपैयाँ राइट ब्याक गरेको छ भने संभावित जोखिमका लागि ८१ करोड ७३ लाख २७ हजार रुपैयाँ सुरक्षित गरेको छ ।
चुक्ता पूँजी छ अर्ब ४९ करोड १६ लाख २४ हजार रुपैयाँ रहेको बैंकको जगेडा कोषमा ५ अर्ब २७ करोड ४४ लाख ६१ हजार रुपैयाँ सञ्चित छ । बैंकको प्रतिसेयर आम्दानी ३३ रुपैयाँ ५३ पैसा तथा प्रतिसेयर नेटवर्थ १८१ रुपैयाँ २५ पैसा कायम भएको छ । राष्ट्र बैंकले तोकेको पूँजी पुर्याउन बैंकले डेढ अर्ब रुपैंया बराबरको बोनस बितरण गर्नु पर्ने हुन्छ ।
