राष्ट्र बैंकबाट समस्याग्रस्त सुचिबाट हट्ने अन्तिम तयारीमा रहेको कम्पनीले खुद व्याज आम्दानी उलेख्य रुपमा वृद्धि गरेपछि समग्र नाफा बढ्न पुगेको छ । उसले ३ करोड ४४ लाख रुपैयाँ खुद व्याज आम्दानी गरेको छ । यो अघिल्लो बर्ष रहेको २१ लाख १५ हजारको तुलनामा १५ गुणा भन्दा बढी हो ।
यता फाइनान्स कम्पनीको जगेडा कोष झण्डै ८ करोड धनात्मक बनाउँदा समेत अझै १० करोड ५० लाख ऋणात्मक हुनु तथा खराब कर्जा परिचालनका कारण निष्कृय कर्जा अनुपात कर्जाको अनुपात ७५.२१ प्रतिशतबाट बढेर ९९.४० प्रतिशत पुगेकाले कम्पनीले अब थप कर्जा उठाउने सम्भांवना अत्यन्त थोरै रहेको देखाउँछ । फाइनान्स व्यवस्थापनले कम्पनीका अन्य धेरै सूचकहरुमा भने सुधार गर्दे लगेको छ ।
अघिल्लो वर्ष १८ करोड ६६ लाख सञ्चालन घाटामा रहेको फाइनान्स कम्पनीले समीक्षा अवधिमा आईपुग्दा १ करोड ४८ लाख सञ्चालन नाफा कमाउन सफल भएको छ । यस अवधिमा उसले ७ करोड ८९ लाख रुपैयाँ संम्भावित जोखिम कोषबाट रकम फिर्ता गरेको छ ।
कम्पनीको प्रतिसेयर आम्दानी ६६ रुपैयाँ ७० पैसा, प्रति सेयर नेटवर्थ ४४.१० रुपैयाँ रहेको छ । कम्पनीको प्रतिसेयर नेटवर्थ ४४.१० रुपैयाँ रहनुले कम्पनीको अवस्था अझै निकै कमजोर रहेको संकेत गर्दछ ।
