बैंकले आफूले एक्वायर गरेका बैंकहरुले कमाएको वर्षभरीको नाफा वित्तीय विवरणमा उल्लेख गर्न नसक्दा नाफा कम देखिएको हो । कुमारीले चार कम्पनी एक्वायर गर गत असार १६ गतेबाट एकिकृत कारोबार थालेको थियो । यो वित्तीय विवरणमा ती चार कम्पनीको असार १५ अगाडिको नाफा घाटा समावेश छैन । असार १५ यता एक्वायर भएका चार कम्पनीले ६ करोड ६० लाख नाफा कमाएको बैंकले जनाएको छ ।
मर्जरपछि बैंकको रिजर्भ भने ह्वात्तै बढेको छ । अर्कातर्फ बैंकको खराब कर्जा असुलीमा कमी आउँदा खराब कर्जा समेत केही बढ्न गएको छ ।
चार कम्पनीलाई एक्वायर गरेको कुमारी बैंकले तीन अर्ब २६ करोड रुपैयाँको चुक्ता पूँजी ५ अर्ब ९६ करोड रुपैयाँ पुर्याएको छ भने जगेडा कोषमा दुई अर्ब ११ करोड रुपैयाँ राखेको छ । अघिल्लो आर्थिक वर्षको बैंकको रिजर्भ ७६ करोड ७६ लाख रुपैयाँ थियो ।
बैंकले गत आर्थिक बर्षमा ५२ अर्ब ७ करोड रुपैयाँ निक्षेप संकलन गरी ४५ अर्ब १९ करोड रुपैयाँ ऋण लगानी गरेको छ।
बैंकको खराब कर्जा १.८६ प्रतिशत, पूँजी कोष अनुपात ११.६९ प्रतिशत छ । बैंकको प्रति शेयर आम्दानी ११ रुपैया ७१ पैसा रहेको छ। बैंकको प्रतिसेयर नेटवर्थ १३५ रुपैयाँ छ ।