अघिल्लो बर्ष २५ करोड ६ लाख चुक्ता पूँजी रहेकोमा अहिले फाइनान्सको चुक्ता पूँजी ७२ करोड ४३ लाख ७९ हजार रुपैयाँ पुगेको छ । फाइनान्सको चुक्ता पूँजी एक सय ८९ प्रतिशतले बढेको हो । खुद नाफा ९४.३९ प्रतिशतले मात्र बढ्दा चुक्ता पूँजी अधिक बढेकाे कारण नै फाइनान्सको प्रतिसेयर आम्दानी खस्किएको हो ।
जसका कारण अघिल्लो आर्थिक वर्षमा १३ रुपैंया १९ पैसा रहेको प्रतिशेयर आम्दानी गत आर्थिक वर्षमा आठ रुपैंया ८८ पैसामा खुम्चिएको हो ।
समीक्षा अवधिमा झण्डै पाँच करोड रुपैंयाँले खुद व्याज आम्दानी बढाएको फाइनान्सको निष्कृय कर्जा अनुपात घटेको छ । यसरी निक्षेप तथा कर्जाको आकार बढाउँदा फाइनान्सको निष्कृय कर्जा अनुपात ३.५७ प्रतिशतबाट १.९८ प्रतिशतमा झरेको हो ।
फाइनान्सको जगेडा कोषमा नौ करोड ७७ लाख १७ हजार रुपैयाँ सञ्चित हुँदा प्रतिसेयर नेटवर्थ एक सय १३ रुपैंया ४९ पैसा कायम भएको छ ।
केही समय अघि मात्र फाइनान्सले एक सय ७५ प्रतिशत हकप्रद बेचेर पूँजी बढाएको थियो । राष्ट्र बैंकले तोकेको पूँजी पुर्याउन उसलाई अझै ११ प्रतिशत हाराहारीमा बोनस बितरण गर्नुपर्ने हुन्छ ।