इन्स्योरेन्सको खुद बीमा शुल्क आर्जन रकम घट्दा पनि खुद नाफामा बढोत्तरी भएको हो । समीक्षा अवधिमा इन्स्योरेन्सको खुद बीमाशुल्क आर्जन ३७ करोड २६ लाख रुपैंयाबाट ३१ करोड ६७ लाख रुपैंयामा झरेको छ ।
पुनर्बीमा कमशिन तथा लगानी र कर्जाबाट हुने आय बढेको भएपनि कम्पनीको दाबी भुक्तानी भने ह्वात्तै घटेको छ । अघिल्लो आर्थिक वर्षको अन्त्यमा ४४ करोड ३२ हजार रुपैंयाको दाबी भुक्तानी गरेको इन्स्योरेन्सले अहिले २६ करोड ९० लाख रुपैंयाको मात्र खुद बीमा दाबी भुक्तानी गरेको हो ।
यसका साथै अभिकर्ता कमिशनमा आएको गिरावट, पुनर्बीमा कमिशन, सेवाशुल्क, अन्य प्रत्यक्ष खर्चमा आएको गिरावटका कारण इन्स्योरेन्सको खुद नाफा बढेको हो ।
एक हजार सात सय ४२ बीमादाबी वापत ४२ करोड ५१ लाख ५६ हजार रुपैंया भुक्तान गरेको बीमा कम्पनीले दुई हजार २२ वटा दाबी भुक्तान गर्न बाँकी छ । कम्पनीले उल्लेखित बीमा दाबी संख्या वापत ६४ करोड ३१ लाख ४८ हजार रुपैंया भुक्तान गर्नु पर्ने हुन्छ ।
इन्स्योरेन्सको चुक्ता पूँजी २८ करोड ७६ लाख आठ हजार रुपैंया छ । उसको जगेडा कोषमा १६ करोड सात लाख ५७ हजार रुपैंया सञ्चित छ । बीमा कोषमा १३ करोड ४० लाख ४० हजार रुपैंया राखेको कम्पनीको प्रतिसेयर नेटवर्थ एक सय ९२ रुपैंया ८६ पैसा तथा मुल्य आम्दानी अनुपात ६.७४ गुणाले बढी छ ।