दुबै कम्पनीको सेयर लिलामीमा आवेदन दिई बाँडफाँडमा नपरेका आवेदकहरुको रकम साउन ३१ गतेदेखि आवेदकको खातामा जम्मा हुने व्यवस्था गरेको बिक्री प्रबन्धक एनएमबि क्यापिटलले जनाएको छ ।
एसबिआइ बैंकले सर्वसाधारण समूहको ४ लाख ६९ हजार ५२ कित्ता अवितरित हकप्रद सेयरको लिलामी बाँडफाँड साउन २९ गते गरेको हो । उता सिद्धार्थ इन्स्योरेन्स सर्वसाधारण समूहको ७ हजार ९८३ कित्ता र संस्थापक तर्फको ३६७ कित्ता अवितरित हकप्रदकाे लिलामी बाँडफाँड पनि साउन २९ गते गरेको हो ।
एनएमबि क्यापिटलले क्लियरिङ्ग हाउसको आईपीएस प्रणाली मार्फत अावेदककाे सम्बन्धित बैंक तथा वित्तीय संस्थामा रकमान्तर गर्दा शुल्क लाग्ने भएमा आवेदकले नै तिर्नुपर्ने जनाएको छ । क्यापिटलले कुनै कारणले रकमान्तर नभएका लागानीकर्ताहरुलाई एकाउण्टपेयी चेकमार्फत फिर्ता गर्ने जनाएको छ ।
साथै क्यापिटलले एसबिआई बैंकको हकप्रदमा हकभन्दा बढी कित्ताका लागि आवेदन दिएका सेयरधनीहरुको बढी रकम हकप्रद आवेदन बुझाएको संकलन केन्द्रबाट नै फिर्ता हुने जनाएको छ ।
