१५ अर्ब रुपैयाँ चुक्ता पूँजी भएको टेलिकमले जगेडा कोषमा ७८ अर्ब छ करोड ८८ लाख ७२ हजार रुपैयाँ सञ्चित गरेको छ । अघिल्लो आर्थिक वर्षमा उसको जगेडा कोषमा ७१ अर्ब दुई करोड ७८ लाख ७७ हजार रुपैयाँ सञ्चित थियो । टेलिकमको प्रतिसेयर नेटवर्थ छ सय २० रुपैयाँ ४६ पैसा रहेको छ ।
चुक्ता पूँजीभन्दा एक करोड ६८ लाख रुपैयाँ बढी खुद नाफा कमाएका कारण टेलिकमको प्रतिसेयर आम्दानी एक सय रुपैयाँ ११ पैसा कायम भएको छ ।
टेलिकमले दुरसञ्चार सेवाबाट ४० अर्ब ७२ करोड २४ लाख रुपैयाँ आम्दानी गरेको छ । अघिल्लो आर्थिक वर्षमा उसले सेवाबाट ४० अर्ब ७० करोड ४१ लाख रुपैयाँ आम्दानी गरेको थियो । टेलिकमले अन्य आम्दानी पनि बढाएर चार अर्ब आठ करोड ८५ लाख रुपैयाँ पुर्याएको छ ।
टेलिकमको खर्चको आकार घटेका कारण खुद नाफामा बढोत्तरी भएको हो । अघिल्लो आर्थिक वर्षमा २५ अर्ब ९८ करोड ४६ लाख रुपैयाँ खर्च गरेको टेलिकमले गत आर्थिक वर्षमा २४ अर्ब ३६ करोड ७१ लाख रुपैयाँ मात्र खर्च गरेको छ । टेलिकमको खर्चमा आएको गिरावट ४ प्रतिशत हाराहारी हो । उसको मूल्य आम्दानी अनुपात ६.७४ गुणाले बढी छ ।
