पुनर्बीमा कमिशन, लगानी तथा कर्जाबाट हुने आम्दानी तथा बीमालेख धितो कर्जाको आम्दानी बढाएको कम्पनीको खर्चको आकार पनि बढेको छ । उसले एक अर्ब ५५ करोड ४५ लाख ४६ हजार रुपैंयाको खुद बीमा दाबी भुक्तानी गरेको छ । अघिल्लो आर्थिक वर्षमा नेशनलले एक अर्ब ८१ लाख २० हजार रुपैंयाको मात्र खुद बीमा दाबी भुक्तान गरेको थियो ।
व्यवस्थापन खर्च, कर्मचारीलाई वितरण गर्ने बोनस तथा आयकरको आकार पनि बढेको छ । कम्पनीले गत आर्थिक वर्षमा २३ करोड ५५ लाख २३ हजार रुपैंया खुद नाफा कमाएको छ । अघिल्लो आर्थिक वर्षमा कम्पनीले १६ करोड ९५ लाख ८९ हजार रुपैंया खुद नाफा गरेको थियो । खुद नाफामा आएको बढोत्तरीले कम्पनीको प्रतिसेयर आम्दानी बढेको छ । अघिल्लो आर्थिक वर्षमा १२ रुपैंया ८० पैसा रहेको प्रतिसेयर आम्दानी अहिले १७ रुपैंया ७८ पैसा पुगेको छ ।
एक अर्ब ३२ करोड ४८ लाख ६३ हजार रुपैयाँ चुक्ता पूँजी रहेको कम्पनीको जगेडा कोषमा ६१ करोड ३१ लाख रुपैयाँ सञ्चित छ । कम्पनीको प्रतिसेयर नेटवर्थ एक सय ५३ रुपैंया ४५ पैसा कायम भएको छ ।
बीमा कोषमा १७ अर्ब ३७ करोड ५५ लाख १२ हजार रुपैंया राखेको कम्पनीले महाविपत्ती जगेडा काेषमा नौ करोड ४९ लाख ७१ हजार रुपैंया सञ्चित गरेको छ । इन्स्योरेन्सको मूल्य आम्दानी अनुपात १२९.३८ गुणाले बढी छ ।
१४ हजार चार सय ७७ वटा बीमा दाबी भुक्तानी गरेको कम्पनीले १३ करोड ६९ लाख ३१ हजार रुपैंयाको बीमादाबी भुक्तानी गर्न बाँकी छ ।