कम्पनीले गत आर्थिक बर्षमा ७४ करोड १६ लाख रुपैयाँ खुद बीमा शुल्क आर्जन गर्दा २७ करोड ७६ लाख रुपैयाँको खुद बीमा दाबी भुक्तानी तथा २ करोड ६० लाख रुपैयाँ अभिकर्ता कमिशनमा खर्च गरेको छ ।
त्यस्तै बीमा कम्पनीले अधिल्लो आर्थिक बर्षमा ३ हजार १६० वटा बीमा दाबीका लागि १ अर्ब ३२ करोड ८९ लाख रुपैयाँ भुक्तानी गरेकोमा गत आवमा भुक्तानी संख्या बढेर ४ हजार ३७३ वटा पुगेपनि ९३ करोड ७८ लाख रुपैयाँको मात्र बीमा दाबी भुक्तानी गरेको छ । कम्पनीले अझै ३ हजार ६६ वटा दाबीको १ अर्ब ३९ करोड ९० लाख रुपैयाँ भुक्तानी गर्न बाँकी छ । कम्पनीले मोटो रकमका दाबीहरु भुक्तान गर्न सकेको छैन ।
समीक्षा अवधिमा ७ करोड ४८ लाख रुपैयाँले चुक्ता पूँजी बढाएर इन्स्योरेन्सले ४४ करोड ८५ लाख रुपैयाँ पुर्याएको छ । कम्पनीको जगेडाकोष ५.४७ प्रतिशतले बढाएर १२ करोड ०९ लाख रुपैयाँ पुर्याएको छ । कम्पनीको बीमा कोष ३७.२९ प्रतिशत अर्थात ८ करोड ९५ लाख रुपैयाँले बढेर ३२ करोड ९८ लाख रुपैयाँको बनेको छ ।
कम्पनीले जारी गरेको बीमालेखको संख्या एक लाख ७९ हजार ६५१ वटा रहेको छ । कम्पनीको प्रतिसेयर आम्दानी ४० रुपैयाँ ४७ पैसा, प्रतिसेयर नेटवर्थ २०६ रुपैयाँ ५८ पैसा र मूल्य आम्दानी अनुपात ४१.७८ गुणा रहेको छ ।
