लुम्बिनी जनरल इन्स्योरेन्सले शतप्रतिशत अर्थात एक बराबर एक कित्ता हकप्रद सेयरको बिक्री खुला गरेको हो । इन्स्योरेन्सले एक सय रुपैयाँ अंकित दरको ३९ लाख कित्ता हकप्रद सेयर बिक्री गर्न लागेको हो ।
लुम्बिनी जनरल इन्स्योरेन्सको हकप्रद भर्ने स्थान यहाँबाट हेर्नुहोस्
हाल ३९ करोड रुपैयाँ चुक्ता पूँजी रहेको लुम्बिनी इन्स्योरेन्सको हकप्रद बिक्रीपछि ७८ करोड रुपैयाँ चुक्ता पूँजी पुग्नेछ । इन्स्योरेन्स कम्पनीको हकप्रदमा असार १२ गतेसम्म कायम सेयरधनीले आज कार्यालय समयभित्र आवेदन गर्न पाउनेछन् ।
कञ्चन डेभलपमेन्ट बैंकको ३० प्रतिशत हकप्रदमा जेठ ३१ गतेसम्म कायम सेयरधनीले आवेदन गर्न सक्नेछन । बैंकले एक सय रुपैयाँ अंकित मूल्यको १० लाख ३९ हजार ५०० कित्ता हकप्रद जारी गरेको छ ।
कञ्चन डेभलपमेन्ट बैंकको हकप्रद भर्ने स्थान यहाँबाट हेर्नुहोस्
कञ्चनको हाल चुक्ता पूँजी ३४ करोड ६५ लाख रुपैयाँ रहेको छ । हकप्रद बिक्रीपछि बैंकको चुक्ता पूँजी ४५ करोड चार लाख रुपैयाँ पुग्नेछ ।
कञ्चनको बिक्री प्रबन्धकमा ग्लोबल आईएमई क्यापिटल, र लुम्बिनी इन्स्योरेन्सको सिबिआइएल क्यापिटल रहेका छन् ।
