बोर्डले हालका दिनहरुमा पूँजी बजारको विकास तथा संरचनात्मक सुधारमा विशेष पहल गर्दै आइरहेको र बोर्डले आगामी दिनमा सुपरीवेक्षण तथा कानुन प्रवलीकरणमा विशेष जोड दिइने अध्यक्ष कार्कीले बताए ।
बोर्डले धितोपत्र दलाल व्यवसायीहरुले पालना गर्नुपर्ने नियमका सम्बन्धमा धितोपत्र सम्बन्धी ऐन, नियम, निर्देशिकाको व्यवस्था तथा सो सम्बन्धी अन्तर्राष्ट्रिय मूल्य मान्यताका विषयमा जानकारी दिदै धितोेपत्र दलाल व्यवसायीको नियम पालना अधिकृतलाई सहभागी गराई छलफल गराएको थियो ।
कार्यक्रममा करिव ७५ जनाको सहभागिता रहेको थियो ।
बोर्डले अनुपालनाको स्थिति मजबुज बनाई धितोपत्र व्यवसायलाई थप व्यवस्थित, पारदर्शी तथा जवाफदेही बनाउन सम्पत्ति शुद्धिकरण तथा आतंककारी कृयाकलापमा वित्तीय लगानी निवारण निर्देशिका, २०६९ ले गरेको व्यवस्था बमोजिम ०७२ मंसिरमा सम्पूर्ण धितोपत्र दलाल व्यवसायीहरुलाई नियम पालना अधिकृत नियुक्त गर्न निर्देशन दिएको थियो ।
