बैंकले फेस भ्यालु एक सय रुपैयाँमा १६६ रुपैयाँ प्रिमियम थपेर न्यूनतम २६६ रुपैयाँमा लिलामी गर्ने भएको हो । बैंकले ६१ लाख ५८ हजार ०६७ कित्ता थप संस्थापक शेयर लिलामी गर्ने जानकारी दिएको छ ।
जसका लागि बैंकले धितोपत्र बोर्डले तोकेको ढाँचामा विवरणपत्र तथा कागजपत्रहरु नियमनकारी निकायमा पेश गरेको जानकारी दिएको छ ।
यसअघि बैंकले प्रिमियम सहित प्रतिकित्ता ३१० रुपैयाँमा एफपिओ जारी गर्ने प्रस्ताव गरेको थियो । पहिला अगाडि सारेको योजना अनुसार बैंकले एफपिओ बिक्री गर्न नपाएपछि यसअघि नेपाल टेलिकमले अपनाएको प्रक्रिया जस्तैगरी थप संस्थापक शेयरको लिलामीबाट बिक्री गर्ने भएको हो ।
बैंकले यसअघि एक अर्ब ९० करोड ९० लाख ७७० रुपैयाँ बराबरको ६१ लाख ५८ हजार ०६७ कित्ता थप संस्थापक शेयर बिक्री गर्ने प्रक्रिया थालेको थियो । धितोपत्र बोर्डले सूचिकृत कम्पनीहरुले संस्थापक थप नयाँ साधारण सेयर निष्काशन गर्ने सम्बन्धि प्रावधान नरहेकाले बैंक अफ काठमाण्डूलाई एफपिओ निष्कासनमा रोक लगाएको थियो ।
बैंकले संस्थापक तथा सर्वसाधारण शेयरधनीको पूँजी संरचना ५१ः४९ प्रतिशत कायम गर्नको लागि संस्थापक एफपिओ बिक्रीको योजना अघि सारेको थियो । अब यो प्रक्रिया लिलामीबाट अगाडि बढ्नेछ ।