राष्ट्र बैंकका अनुसार फाइनान्स कम्पनीसँग समस्या ग्रस्त घोषणा हुँदा व्यक्तिगत निक्षेप एक अर्ब २५ करोड सात लाख ७० हजार रुपैयाँ र संस्थागत निक्षेप चार करोड २९ लाख ५६ हजार गरि कुल एक अर्ब २९ करोड ३७ लाख २६ हजार रुपैयाँ निक्षेप रहेको थियो ।
२०७४ असार मसान्तसम्म फाइनान्सले व्यक्तिगत १२ करोड चार लाख ४८ हजार र संस्थागत ७२ लाख ३६ हजार रुपैयाँ गरि कुल १२ करोड ७६ लाख ८४ लाख रुपैयाँ निक्षेप मात्र फिर्ता गर्न बाँकी छ ।
वित्तीय सुशासन पालना नगरेर वित्तीय अवस्था अत्यन्त नाजुक भएपछि नेपाल राष्ट्र बैंकले ०७१ चैत १६ गते ललितपुर फाइनान्सलाई समस्याग्रस्त घोषणा गरेको थियो । राष्ट्र बैंकले कुनैपनि संस्था समस्याग्रस्त सुचिमा परेपछि निक्षेप परिचालन तथा कर्जा लगानीमा प्रतिवन्ध लगाउँदै आएको छ ।
फाइनान्सले अहिले आफ्नो अवस्था निकै सुधार गरिसकेको छ भने छिट्टै सुधारको प्रकृयामा आएर नियमित सञ्चालकनको तयारीमा लागेको छ । ललितपुर फाइनान्ससँगै अन्य आठ संस्थाहरु अहिले पनि राष्ट्र बैंकको समस्याग्रस्त संस्थाको सुचिमा रहेका छन् ।
