नबिल इक्विटी फन्डको प्रतिइकाई खुद सम्पत्ति मूल्य भने असार मसान्तभन्दा दुई पैसाले मात्र बढेर ९ रुपैयाँ ९९ पैसा कायम भएको छ ।
यसले ४७ वटा सूचीकृत कम्पनीको ६ लाख ७५ हजार ५७१ कित्ता सेयरमा लगानी गरेको छ । सूचिकृत नभएका कम्पनीको सेयरमा दुई करोड ७६ लाख ३० हजार ५० रुपैयाँको लगानी गरेको छ ।
फण्डसँग खुद सम्पत्ति एक अर्ब २४ करोड ८२ लाख तीन हजार २५९ रुपैयाँ रहेको छ । फण्डले मुद्दति निक्षेपमा १२ करोड ५० लाख तथा बैंकमा ४३ करोड १३ लाख ९२ हजार ७६० रुपैयाँ मौज्दात राखेको छ ।
मुद्धती निक्षेप रकम परिवर्तन नभएपनि सेयरमा लगानी बढाएपछि बैंक मौजात असारको तुलनामा १९ करोड ९५ लाख ८७ हजार ४९८ रुपैयाँले घटेको छ । असारमा बैंक मौज्दातमा ६३ करोड ९ लाख ८० हजार २५८ रुपैयाँ रहेको थियो ।
नबिल इक्विटी फन्डले सबैभन्दा धेरै नेपाल टेलीकमको ४५ हजार ३०० कित्ता सेयर होल्ड गरेको छ भने सबैभन्दा कम समता माइक्रोफाइनान्सको ४२३ कित्ता सेयरमा मात्र लगानी छ । रकमका आधारमा सबैभन्दा बढी नागरिक लगानी कोषको पाँच करोड ५९ लाख २५ हजार २२३ रुपैयाँको १४ हजार २६३ कित्ता सेयर होल्ड गरेको छ ।
फन्डले साधारण लगानीकर्तामा १२ करोड ५० लाख इकाई जारी गरेको छ ।