डिप्रोक्सको साढे छ लाख कित्ता संस्थापक सेयर पनि बिक्री गरी नेपाल बैंकले कमाईको आकार बढाउने देखिन्छ । यस अघि नै बैंकले डिप्रोक्सको हकप्रद निष्काशन पश्चात सेयर बिक्री गर्ने भन्ने सम्बन्धमा मेरोलगानीले खबर सम्प्रेषण गरेको थियो ।
तत्कालिन बजार मूल्यका आधारमा डिप्रोक्सको सबै सेयर बेच्दा ८० करोड आम्दानी गर्ने आँकलन गरिएको थियो । अहिले बजार मूल्य तल रहँदा पनि बैकले राम्रो आम्दानी गर्न सक्ने देखिन्छ ।
डिप्रोक्सको साधारण सेयर लिलामीबाट बिक्री गर्नका लागि सिद्धार्थ क्यापिटल बिक्री प्रबन्धक नियुक्त भैसकेको छ । आज अर्थात भदौ १५ गते बिहीबारदेखि लिलाममा राखिएको उक्त सेयरको न्युनतम मूल्य एक हजार दुई सय रुपैंया तोकिएको छ । असोज ४ गतेसम्ममा आवेदकले कम्तीमा एक सय कित्तादेखि सबै सेयरका लागि क्यापिटलको कार्यालय नक्सालमा आवेदन गर्नु पर्ने बताइएको छ ।
उल्लेखित सेयर बिक्री गरेर बैंकले साढे २१ करोड रुपैंयाभन्दा बढी आम्दानी गर्नेछ । उसँग बाँकी रहने डिप्रोक्सको थप साढे छ लाख कित्ता संस्थापक सेयर पनि बिक्री गर्ने तयारी भैरहेको नेपाल बैंक उच्च स्रोतले मेरोलगानीलाई जानकारी दिएको छ ।
नेपाल बैंकले आफ्नो बित्तीय अबस्था सुदृढ पार्न बिगतमा नागरिक लगानी कोष, नेपाल ईन्स्योरेन्सको सेयर र बिभिन्न स्थानमा रहेका घरजग्गा बिक्री गरिसकेको छ । उसँग अझै धेरै कम्पनीको लाखौ कित्ता सेयर र देशका बिभिन्न ठाउँमा सयौं रोेपनी मूल्यवान जग्गा छन् ।