एनआईसी एशिया बैंकको २० प्रतिशत बोनसपछि सेयरमूल्य समायोज भएको हो । बोनसलाई समायोजन गर्दा बैंकको समायोजत सेयरमूल्य ३६८ रुपैयाँ कायम भएको छ भने औसत आधारमूल्य ४६५ रुपैयाँ रहेको छ ।
बैंकले भदौ ३० गते बोलाएको साधारणसभामा गत आर्थिक बर्षको नाफाबाट सेयरधनीलाई २० प्रतिशत बोनस वितरण गर्ने प्रस्ताव गरेको छ । बोनस वितरणपछि बैंकको चुक्ता पूँजी आठ अर्ब तीन करोड रुपैयाँ नाध्नेछ ।
आरएसडीसी लघुवित्तको २०० प्रतिशत हकप्रदपछि सेयरमूल्य समायोजन भएको हो । आरएसडीसीको २०० प्रतिशत हकप्रदलाई समायोजन गदा ११०७ रुपैयाँ निर्धारण भएको छ । जसको औसत आधारमूल्य ७४५ रुपैयाँ रहेको नेप्सेले जनाएको छ । लघुवित्तले असोज २ देखि कात्तिक ५ गतेसम्म २३ करोड रुपैयाँ बराबरको २३ लाख कित्ता हकप्रद बिक्री गर्न लागेको छ ।
नेप्सेले शुक्रबार नै नेपाल इन्स्योरेन्स कम्पनीको पाँच प्रतिशत बोनसलार्इ समायाेजन गरि नयाँ मूल्य निर्धारण गरेको छ । बोनस समायोजनपछि इन्स्योरेन्सको सेयरमूल्य एक हजार ४२४ रुपैयाँ कायम भएको छ । कम्पनीको औसत आधारमूल्य आठ सय ८६ रुपैयाँ रहेको छ ।
इन्स्योरेन्सले भदौ ३० गते बोलाएको वर्षिक साधारण सभाले पाँच प्रतिशत बोनस तथा बोनसपछि कायम हुने पुँजीको शतप्रतिशत हकप्रद प्रस्ताव पारित गर्देछ ।
शुक्रबार सेयरधनी किताब बन्द गरेका तीनवटै कम्पनीको सेयर कारोबार सोमबार समायोजित सेयरमूल्यमा खुल्नेछ ।
सिद्धार्थ बैंकले ल्यायो ‘मेरो सेयर खाता’, वार्षिक ६ प्रतिशत ब्याजदर
१२ मेगावाट क्षमताको दोर्दीखोलाको निमार्ण तीन बर्षमा सक्ने लक्ष्य
