एक्सेल डेभलपमेन्ट बैंकको ५० प्रतिशत हकप्रदलाई समायोजन गर्दा ४७१ रुपैयाँ मूल्य निर्धारण भएको नेप्सेले जनाएको छ । यसअनुसार बुधबार बैंकको सेयर कारोबार ४७१ रुपैयाँमा खुल्नेछ । बैंकको १८० दिनको सेयर मूल्यलाई आधार मान्दा आधारमूलय ४८९ रुपैयाँ कायम भएको छ ।
एक्सेल डेभलपमेन्ट बैंकले धितोपत्र बोर्डबाट ५० प्रतिशत बराबरको १९ लाख २२ हजार ८१२ कित्ता हकप्रद निष्कासनको लागि अनुमति पाईसकेको छ । बैंकको सेयर निष्काशन तथा विक्री प्रबन्धक एस क्यापिटल लिमिटेड रहेको छ । हकप्रदमा भदौ १९ गतेसम्म कायम रहेका सेयरधनीले हकप्रद भर्न पाउनेछन् ।
३८ करोड ४५ लाख ६२ हजार रुपैयाँ चुक्ता पुँजी रहेको एक्सेलको दुई बराबर एक कित्ता अनुपातमा हकप्रद निष्काशनपछि ५७ करोड ६८ लाख ४३ हजार रुपैयाँ चुक्ता पूँजी पुग्नेछ ।
गत आर्थिक वर्षमा बैंकले १५ करोड २६ लाख ७४ हजार रुपैयाँ खुद नाफा कमाएर प्रतिसेयर आम्दानी ३९ रुपैयाँ ७० पैसा कायम गरेको छ ।
सिद्धार्थ बैंकले ल्यायो ‘मेरो सेयर खाता’, वार्षिक ६ प्रतिशत ब्याजदर
१२ मेगावाट क्षमताको दोर्दीखोलाको निमार्ण तीन बर्षमा सक्ने लक्ष्य
