बोर्डका प्रवक्ता निरज गिरीले नेपाल इन्भेष्टमेन्ट बैंकलाई स्पष्टीकरण सोधीएको र स्पष्टीकरणको जवाफ आएपछि मात्र कारबाहीको प्रक्रिया अगाडि बढ्ने बताए । 'हामीले बैंकलाई स्पष्टीकरण बुझाउन पत्र काटिसकेका छौ, बैंकले दिएको जवाफका आधारमा कारबाही गर्छौ, कारबाही के भन्ने कुरा अहिल्यै एकिन हुँदैन, उहाँहरुको जवाफ र ऐन कानुनमा रहेका व्यवस्था अनुसार नै कारबाही हुन्छ', गिरीले भने ।
बुधबार इन्भेष्टमेन्ट बैंकले बजार खुलेलगत्तै २५ प्रतिशत बोनस सेयर र १५ प्रतिशत नगद लाभांश वितरण गर्ने सूचना प्रवाह गरेको थियो । तर, त्यसको केही समयपछि ‘टाइप मिस्टेक’ भन्दै बैंकले अघिल्लो सूचनालाई सच्याई २५ प्रतिशत नगद लाभांश र १५ प्रतिशत बोनस सेयरको निर्णय गरिएको जानकारी गराएको थियो ।
यसबीचमा बैंकको प्रतिकित्ता सेयरमूल्यमा नै ६० रुपैयाँ बढी तलमाथि परिसकेको थियो ।
सेयरबजारका लगानीकर्ता तथा जानकारहरुले झूठो सूचना प्रवाहित भएको अवधिको बैंकको सेयर कारोबार रद्ध गरिनुपर्ने माग विभिन्न सञ्जालहरु मर्फत राखेका छन ।