नेपाल स्टक एक्सचेञ्जले १० प्रतिशत बोनसलाई समायोजन गरि कम्पनीको समायोजित सेयरमूल्य २४२ रुपैयाँ निर्धारण गरेको छ । यसअनुसार कम्पनीको सेयर विहीबार २४२ रुपैयाँमा कारोबार खुल्नेछ ।
कम्पनीको १८० दिनको सेयरमूलयलाई आधार मान्दा कम्पनीको औसत आधारमूल्य १७१ रुपैयाँ कायम भएको नेप्सेले जनाएको छ ।
ङादी ग्रुप पावरले असोज ६ गते वार्षिक साधारण सभा गर्न विहीबार सेयरधनी किताब बन्द गरेको हो । यसअनुसार बुधबारसम्म कम्पनीको सेयर खरिद गरेका वा यसअघि सेयरधनी कायम रहेका लगानीकर्ताले १० प्रतिशत बोनस पाउन / साधारण सभामा सहभागि हुन सक्नेछन् ।
साधारण सभामा ङादीले बोनस सेयरपछि कायम हुने पुँजीबाट ३० प्रतिशत हकप्रद जारी गर्ने प्रस्ताव गरेको छ ।
४८ करोड ६८ लाख रुपैयाँ सेयर पूँजी रहेको ङादीले गत आवमा पाँच करोड १३ लाख रुपैयाँ खुद नाफा कमाएर प्रतिसेयर आम्दानी ११ रुपैयाँ ४ पैसा कायम गरेको छ ।