एनआईसी एशिया बैंकले विदेश जाने नेपालीहरुका लागि आवश्यक पर्ने डलरको माग पूरा गर्नका लागि विदेशबाट नगद डलरको आयात गर्ने कार्य जारी राख्दै चौथो पटक डलरको आयात गरेको जनाएको हो ।
बैंकले यसअघि तीन पटकसम्म गरेर ६० लाख नगद डलर आयात गरीसकेको छ । बैंकले काठमाडौं उपत्यकाका सबै शाखाहरुमा प्रशस्त मात्रामा नगद डलर रहेकाले कुनै पनि ग्राहकले डलर नपाएर फर्कनुपर्ने अवस्था नरहेको बताएको छ ।
यसअघि नगद अमेरिकी डलरको अति न्यून मात्रामा आपूर्ति भएका कारण ग्राहकहरुले सहज रुपमा डलर पाउन सकेका थिएनन् । सोही असहजता सम्बोधन गर्ने हेतुले नेपाल राष्ट्र बैंकद्वारा ‘क’ वर्गका बैंकहरुलाई विदेशवाट नगद डलर आयात गरी सप्लाइ गर्न परिपत्र जारी गरेपछि एनआईसी एशियाले सबैभन्दा पहिला डलर आयात गरेको थियो ।
डलर साट्न आउने ग्राहकले साथमा पासपोर्ट र हवाई टिकट पनि लिएर आउनुपर्ने तथा त्यस्तो कागजात पूरा गरी आउने प्रत्येक ग्राहकलाई नियमानुसार २ हजार ५ सय डलरसम्म उपलब्ध गराउन सकिने बैंकले जानकारी दिएको छ ।
बैंकले अहिले काठमाण्डाै भित्रका सम्पूर्ण ३२ शाखा कार्यालयहरुबाट सहज रुपमा उपलब्ध गराउने व्यवस्था मिलाएको जनाएको छ । बैंकले विदेश जाने ग्राहकहरुलाई भिसा इन्टरनेशनल डेबिट कार्ड मार्फत पनि अमेरिकी डलर सटही सुविधा प्रदान गर्दै आएको छ ।
सिद्धार्थ बैंकले ल्यायो ‘मेरो सेयर खाता’, वार्षिक ६ प्रतिशत ब्याजदर
१२ मेगावाट क्षमताको दोर्दीखोलाको निमार्ण तीन बर्षमा सक्ने लक्ष्य