नबिल बैंकले साधारणसभा प्रयोजनका लागि भदौ २७ देखि असोज १० गतेसमम सेयरधनी किताब बन्द गर्देछ । तसर्थ भदौ २६ गते सोमबारसम्म कायम रहेका सेयरधनी मात्र साधारणसभामा भाग लिन र कम्पनीले प्रस्ताव गरेको लाभांश पाउन योग्य हुनेछन् ।
नबिल बैंकको असोज १० गते हुने ३३ औं वार्षिक सधारणसभाले ३० प्रतिशत बोनस तथा १८ प्रतिशत नगद लाभांश वितरण गर्ने प्रस्ताव पारित गर्देछ ।
बैंकको साधारणसभाले पारित गरेपछि लगानीकर्ताले प्रस्तावित लाभांस पाउने छन् ।
गत आर्थिक वर्षमा तीन अर्ब ६२ करोड आठ लाख रुपैयाँ खुद नाफा कमाएको बैंकको चुक्ता पूँजी छ अर्ब १८ करोड छ,प्रस्तावित बोनस बितरण पश्चात बैंकको चुक्ता पूँजी आठ अर्ब चार करोड ११ लाख रुपैंया पुग्नेछ ।
यस्तै फर्स्ट माइक्रोफाइनान्सले असोज ८ गते आठौं वार्षिक साधारणसभा राखेको छ । लघुवित्तले गत आर्थिक वर्षको नाफाबाट सेयरधनीलाई १५ प्रतिशत बोनस सेयरका साथै कर तिर्नका लागि ०.७९ प्रतिशत नगद लाभांश वितरण गर्ने प्रस्ताव गरेको छ । साथै कम्पनीले बोनस वितरणपछि कायम हुने चुक्ता पूँजीको दुई बराबर एक कित्ताको अनुपातमा हकप्रद निश्कासन गर्ने विशेष प्रस्ताव पेश गर्देछ ।
कम्पनीले प्रस्ताव गरेको लाभांस पाउन भदौ २६ गतेसम्म सेयरधनी कायम हुनुपर्नेछ ।
हाल ३९ करोड ६७ लाख ५० हजार रुपैयाँ चुक्ता पूँजी रहेको लघुवित्तको बोनसपछि ४५ करोड ६२ लाख ६२ हजार रुपैयाँ चुक्ता पूँजी पुग्नेछ । उक्त पूँजीको ५० प्रतिशत अर्थात एक सय रुपैयाँ अंकित दरको २२ लाख ८१ हजार ३०० कित्ता हकप्रद जारी गर्ने प्रस्ताव गरेको हो । हकप्रदपछि कम्पनीको चुक्ता पूँजी ६८ करोड ४३ लाख ९३ हजार रुपैयाँ कायम हुनेछ ।
गत आर्थिक बर्षमा कम्पनीले आठ करोड दुई लाख रुपैयाँ खुद नाफा कमाएर प्रतिसेयर आम्दानी २० रुपैयाँ २९ पैसा कायम गरेको थियो ।
सिद्धार्थ बैंकले ल्यायो ‘मेरो सेयर खाता’, वार्षिक ६ प्रतिशत ब्याजदर
१२ मेगावाट क्षमताको दोर्दीखोलाको निमार्ण तीन बर्षमा सक्ने लक्ष्य
