जसमध्ये साग्रीला डेभलपमेन्ट बैंकले सबैभन्दा बढी ४५ करोड ७३ लाख ९४ हजार एक सय रुपैयाँको ४५ लाख ७३ हजार ९४१ कित्ता बोनस रजिष्ट्रशन गरेको छ । बैंकले चालु आर्थिक बर्षको सुरुमै साउन १ गते १६.०७ प्रतिशत बोनस रजिष्ट्रेशन गराएको हो ।
सबैभन्दा कम जनउत्थान सामुदायिक लघुवित्तको चार लाख रुपैयाँको चालिस हजार कित्ता रजिष्ट्रेशन छ । कम्पनीले साउन ९ गते चुक्ता पूँजीको २० प्रतिशत बोनस रजिष्ट्रेशन गराएको छ ।
त्यस्तै भार्गव विकास बैंककाे २० प्रतिशत बराबरकाे २ लाख ४० हजार कित्ता,सेती फाइनान्सकाे नाैं प्रतिशत बराबरकाे ५७ हजार १०८ कित्ता,कालिका माइक्राेक्रेडिट लघुवित्तकाे तीन लाख २५ हजार कित्ता बाेनस सेयर रजिष्ट्रेशन भएकाे छ ।
लाईफ इन्स्योरेन्स कर्पोरेसन नेपालले चुक्ता पूँजीको २४.८० प्रतिशतले हुन आउने २६ करोड ५२ लाख २४ हजार ३७५ रुपैयाँको २६ लाख ५२ हजार २४३ कित्ता बोनस सेयर रजिष्ट्रेशन गराएको हो ।
कम्पनीहरुले अहिले गरेका बोनस सेयर रजिष्ट्रेशन अघिल्लो आर्थिक बर्षको हुन् । गत आर्थिक बर्षको साधारणसभा भर्खर मात्र सुरु भएकाले आगामी दिनमा धितोपत्र बोर्डमा कम्पनीहरुले साधारणसभाबाट पारित गरेका बोनस सेयर रजिष्ट्रशन गर्ने क्रम अझै तिब्र बन्दै जानेछ ।
सिद्धार्थ बैंकले ल्यायो ‘मेरो सेयर खाता’, वार्षिक ६ प्रतिशत ब्याजदर
१२ मेगावाट क्षमताको दोर्दीखोलाको निमार्ण तीन बर्षमा सक्ने लक्ष्य
