सिद्धार्थ म्युचुअल फण्ड सञ्चालन गरेकाे सिद्धार्थ क्यापिटलले भदौ २८ गतेदेखि सिद्धार्थ लगानी वृद्धि योजना १ (SIGS1) र सिद्धार्थ इक्वीटी ओरियन्टेड स्कीम (SEOS) का इकाइधनीलाई नगद लाभांश वितरण गर्ने भएको हाे ।
सिद्धार्थ म्युचुअल फण्ड अन्तगर्त सञ्चालित सिद्धार्थ लगानी वृद्धि योजना १ ले इकार्इधनीलाई ६० प्रतिशत तथा सिद्धार्थ इक्वीटी ओरियन्टेड स्कीमले इकाइधनीलाई २५ प्रतिशत नगद लाभांश वितरण गरेको छ ।
लाभांश वितरण आईतबारदेखि विहीबारसम्म १० बजेदेखि ३ बजेसम्म र शुक्रबार १ बजेसम्म वितरण हुने सिद्धार्थ क्यापिटलले जनाएको छ । क्यापिटलले आफ्नो हितग्राही खातामा बैंक खाता नम्बर अध्यावधिक गराएका लगानीकर्तालाई क्यापिटलले बैंक खातामा नै नगद लाभांश पठाइसकेको जनाएको छ ।
क्यापिटलले लाभांश संकलन आउँदा आफ्नो आधिकारिक परिचयपत्र, इकार्इधनी प्रमाणपत्रको प्रतिलिपि वा हितग्राही खाता नं अनिवार्य रुपमा लिएर आउन भनेको छ । मञ्जुरीनामा मार्फत संकलन गर्नेले अनिवार्य मञ्जुरीनामाका साथमा मञ्जुरीनामा पाउने व्यक्तिको परिचयपत्रको प्रतिलिपि सहित उपस्थित हुनुपर्ने जनाएको छ ।
सिद्धार्थ बैंकले ल्यायो ‘मेरो सेयर खाता’, वार्षिक ६ प्रतिशत ब्याजदर
१२ मेगावाट क्षमताको दोर्दीखोलाको निमार्ण तीन बर्षमा सक्ने लक्ष्य
