बैंकले प्रस्ताव गरेको लाभांश राष्ट्र बैंकको स्वीकृति पश्चात बैंकको आगामी साधारणसभाले पारित गरेपछि लगानीकर्तालाई वितरण गरिनेछ ।
सनराईजले गत आर्थिक बर्षमा एक अर्ब १६ करोड ६९ लाख रुपैयाँ नाफा कमाएर प्रतिसेयर आम्दानी १६ रुपैयाँ ६६ पैसा कायम गरेको छ ।
बैंकले हकप्रदमा अवितरित सर्वसाधारण र संस्थापक समूहको गरि कुल ७ लाख १० हजार ७४३ कित्ता सेयर असोज ८ देखि २२ गतेसम्म लिलामी गर्ने जनाएको छ । सो लिलामीको सेयर बोलकबोल गर्ने लगानीकर्ता समेत बोनसका लागि योग्य हुने बैंकले प्रष्ट पारेको छ ।
एनआईडिसी क्यापिटल मार्केट लिमिटेडलाई गाभेर ०७३ माघ २८ मा एकिकृत कारोबार थालेको बैंकले सो मिति भन्दा पछाडि अभौतिक सेयर कारोबार गरी बोनसका लागि योग्य रहेका लगानीकर्ताले भने बोनस बापतको कर स्वयंम तिर्नुपर्ने बताएको छ ।
बैंकले सेयर लिलामी पश्चात कायम हुने ७ अर्ब ८ करोड ९१ लाख रुपैयाँ चुक्ता पूँजीको १५ प्रतिशत अर्थात एक अर्ब ६ करोड ३३ लाख रुपैयाँ बराबरको बोनस वितरण गर्नेछ । बोनसपछि बैंकको चुक्तापूँजी ८ अर्ब १५ करोड रुपैयाँ पुग्नेछ ।
सिद्धार्थ बैंकले ल्यायो ‘मेरो सेयर खाता’, वार्षिक ६ प्रतिशत ब्याजदर
१२ मेगावाट क्षमताको दोर्दीखोलाको निमार्ण तीन बर्षमा सक्ने लक्ष्य