नेपाल स्टक एक्सचेञ्जले ३० प्रतिशत बोनस सेयरलाई समायोजन गर्दा लघुवित्तको समायोजित सेयरमूल्य १७८८ रुपैयाँ कायम भएको जनाएको छ ।
कम्पनीको औसत आधारमूल्य १०३२ रुपैयाँ रहेको छ । यसअनुसार सोमबार मेरो माइक्रोफाइनान्सको सेयर १७८८ रुपैयाँमा कारोबार खुला हुनेछ ।
हाल लघुवित्तको चुक्ता पूँजी २२ करोड रुपैयाँ रहेको छ । ३० प्रतिशत बोनसपछि कम्पनीको चुक्ता पूँजी ६ करोड ६० लाख रुपैयाँले वृद्धि भएर २८ करोड ६० लाख रुपैयाँ कायम हुनेछ ।
माइक्रोफाइनान्सले ३० प्रतिशत बोनस पारित गराउन असोज ३० गते पाँचौ बार्षिक साधारणसभा बोलाएको छ । लघुवित्त कम्पनीले चुक्ता पूँजीको १२.१०५ प्रतिशत (कर सहित) नगद लाभांश समेत प्रस्ताव गरेको छ ।
माइक्रोफाइनान्सले होटल वाटर टावर नुवाकोट विदुरमा असोज ३० गते विहान ११ :३० बजे साधारणसभा बोलएको हो । साधारणसभाले ६ करोड ६० लाख रुपैयाँ बोनस तथा दुई करोड ६६ लाख ३१ हजार ५७८ रुपैयाँ नगद लाभांश पारित गर्नेछ ।
साधारणसभाका लागि लघुवित्तले असोज २ गतेदेखि १० गतेसम्म सेयरधनी किताब बन्द गर्ने भएको छ । यसअनुसार असोज १ गते आईतबारसम्म सेयर किनेका वा यसअघि कम्पनीको सेयरधनी कायम रहेका लगानीकर्ताले लघुवित्तले प्रस्ताव गरेको ३० प्रतिशत बोनस तथा चुक्ता पूँजीको १२.१०५ प्रतिशत नगद लाभांश प्राप्त गर्न सक्नेछन् ।
गत आवमा लघुवित्तले ९ करोड २८ लाख रुपैयाँ खुद नाफा कमाएर प्रतिसेयर आम्दानी ४२.१९ पैसा कायम गरेको छ ।
सिद्धार्थ बैंकले ल्यायो ‘मेरो सेयर खाता’, वार्षिक ६ प्रतिशत ब्याजदर
१२ मेगावाट क्षमताको दोर्दीखोलाको निमार्ण तीन बर्षमा सक्ने लक्ष्य
