सोमबार पनि बजार खुल्नासाथ लगातार बढेर १८ अंक माथिसम्म पुगेको बजारमा बिक्रीकर्ताको चाप आउन थालेपछि क्रमश ओरालो लागेको हो । कारोबार खुलेको पहिलो आधा घण्टाकै अवधिमा नेप्से १८ अंक माथि पुगेको थियो । तर विस्तारै करेक्शन आएको बजार ४.४२ अंकले घटेर १५४३.७० अंकमा बन्द भएको छ ।
कारोबारमा आएका अधिकांस समूहका सूचक घटेपछि बजार ओरालो लागेको हो। यसदिन व्यापार, जलविद्युत र उत्पादन बाहेकका सबै समूहका सूचक ओरालो लागेको छन् । सबैभन्दा धेरै बीमा समूह ७९ अंकले ओरालो लागेको छ । होटल २० अंकले घटेको छ भने अन्य बाँकी समूह सामान्य झरेका छन् ।
यसदिन १६१ कम्पनीको ४६ करोड ९३ लाख रुपैयाँ बराबरको कारोबार भयो । कारोबार रकम अघिल्लो दिनको तुलनामा करिब ३१ करोड कम हो ।
सोमबारको बजारमा एभरेष्ट बैंकको सबैभन्दा धेरै २ करोड ७७ लाखको कारोबार भयो । नेपाल लाइफको पनि २ करोड ७५ लाख बराबरको सेयर किनबेच भयो ।
यसदिन पनि विशाल बजार कम्पनीको सेयरमूल्य सबैभन्दा धेरै झण्डै दश प्रतिशतले बढ्यो । हाम्रो विकास बैंक, फरवार्ड माइक्रोफाइनान्स तथा प्रोगेशिभ फाइनान्स लगायतको सेयरमूल्य बढेको छ ।
बरुण हाइड्रो पावरको सेयरमूल्य सबैभन्दा धेरै चार प्रतिशत बढीले घटेको बजारमा दिव्यश्वरी हाइड्रो, सिन्धु विकास, सिनर्जी हाइड्रो तथा सनराइज बैंक लगायतको सेयरमूल्य घटेको छ ।
सिद्धार्थ बैंकले ल्यायो ‘मेरो सेयर खाता’, वार्षिक ६ प्रतिशत ब्याजदर
१२ मेगावाट क्षमताको दोर्दीखोलाको निमार्ण तीन बर्षमा सक्ने लक्ष्य
