नेप्सेको प्रमुख कार्यकारी अधिकृत पदका लागि १३ जनाको आवेदन परेकोमा छनौट समितिले ५ जनालाई सर्ट लिस्ट गरेर अन्तरवार्तामा बोलाएको हो ।
अर्थन्त्रालयका अनुसार चन्द्र साउद, मनोज ज्ञवाली, प्रविन पन्दाक, प्रमोद शर्मा र सिताराम थपलिया सर्ट लिस्टमा परेका छन ।
सर्ट लिस्टम परेका पाँचै जना उम्मेदवारको अन्र्तवार्ता पश्चात छनौट समितिले तिन जनाको नाम मन्त्रिपरिषदमा सिफारिश गर्नेछ । र सरकारले तीन जना मध्ये एकजनालाई नेप्सेको प्रमुख कार्यकारीमा नियुक्त गर्नेछ ।
अर्थन्त्रालयले व्यावसयिक कार्ययोजनासहित दरखास्त मागेको थियो । चित्त बुझ्दो व्यवसायिक कार्ययोजना पेश गर्ने उम्मेदवारलाई अन्तरवार्तामा बोलाइएको अर्थमन्त्रालयले स्रोतले जानकारी दिएको छ ।
तत्कालिन प्रमुख कार्यकारी अधिकृत सिताराम थपलियाको कार्यकाल गत असार २५ मा सकिएपछि नेप्सेको प्रमुख कार्यकारीको पद रिक्त रहेको थियो ।
नेप्सेको प्रमुख कार्यकारी पदको लागि बाणिज्य, अर्थशास्त्र, वित्तिय वा कानुन बिषयमा स्नातकोत्तर उतिर्ण गरेर धितोपत्र बजार, पुँजी बजार, बैंकिङ वा वित्तिय क्षेत्रमा ५ बर्षको अनुभव भएका तीस बर्ष पुरा भई साठी बर्ष ननाघेका व्यक्तिहरुबाट आवेदन माग गरिएको थियो ।
सिद्धार्थ बैंकले ल्यायो ‘मेरो सेयर खाता’, वार्षिक ६ प्रतिशत ब्याजदर
१२ मेगावाट क्षमताको दोर्दीखोलाको निमार्ण तीन बर्षमा सक्ने लक्ष्य
