असोज २५ गते बिहान ११ बजे थापागाँउ ब्याङ्क्वेट थापागाँउमा बोलाएको सभामा पाँच प्रतिशत हकप्रद जारी प्रस्ताव पेश हुनेछ । त्यस्तै हकप्रद निष्काशन गरेपछि जारी तथा चुक्ता पूँजी वृद्धि हुने भएकाले विनियमावली संसोधन लगायतका अन्य अख्तिायारी सञ्चालक समितिलाई दिने प्रस्ताव पनि पेस हुँदैछ ।
विशेष साधारण सभाका लागि मञ्जुश्री फाइनान्सले असोज ९ गते सेयरधनी किताब बन्द (बुक क्लोज) गर्ने मिति निर्धारण गरेको छ । यसअनुसार असोज ८ गतेसम्म कायम रहेका सेयरधनी सभामा सहभागि हुन पाउनेछन् ।
फाइनान्सले यसअधि गत माघ ६ गतेदेखि फागुन ११ गतेसम्म चुक्ता पूँजीको १७५ प्रतिशतले हुन आउने ४३ लाख ८६ हजार ३७५ कित्ता हकप्रद सेयर बिक्री गरिसकेको छ ।
हाल फाइनान्स कम्पनीको चुक्ता पूँजी ७२ करोड ४३ लाख ७९ हजार रुपैयाँ रहेको छ । हकप्रद विक्रीपछि फाइनान्सको चुक्ता पूँजी ७६ करोड पाँच लाख ९७ हजार रुपैयाँ पुग्नेछ ।
गत आवमा फाइनान्सले ६ करोड ४२ लाख ९० लाख रुपैयाँ खुद नाफा कमाएर प्रतिसेयर आम्दानी ८ रुपैयाँँ ८८ पैसा कायम गरेको छ । फाइनान्सको सेयरमूल्य सोमबार प्रतिकित्ता १४६ रुपैयाँमा कारोबार भएको छ ।
