नेपाल राष्ट्र बैंकका अनुसार ०७३ साउनदेखी ०७४ साउन मसान्तसम्ममा धितोपत्र बजारमा कुल १६ अर्ब ६६ करोड बराबरको थप धितोपत्र सूचीकृत भएको छ ।
यसअवधिमा एक अर्ब १० करोड बराबरको साधारण शेयर, ८ अर्ब १७ करोड बराबरको हकप्रद शेयर, ३९ करोड बराबरको बोनस शेयर र ७ अर्ब बराबरको सरकारी ऋणपत्र धितोपत्र बजारमा सूचिकृत भएको राष्ट्र बैंकले जनाएको छ ।
सूचीकृत शेयरहरूको चुक्ता मूल्य वार्षिक विन्दुगत आधारमा २०७४ साउन मसान्तमा ४०.६ प्रतिशतले वृद्धि भई २ खर्ब ९१ अर्ब ७१ करोड पुगेको छ ।
तर यसअवधिमा नेप्सेमा सूचीकृत कम्पनीहरुको संख्यामा भने उल्लेख्य कमी आएको छ । एकबर्षको अवधिमा नेप्सको सूचिकरणबाट २७ कम्पनी बाहिरीएका छन् । २०७४ साउन मसान्तसम्ममा नेप्सेमा सूचीकृत कम्पनीहरुको संख्या १९९ रहेको छ ।
२०७३ साउन मसान्तमा यस्तो संख्या २२६ रहेको थियो । केही बैंक तथा वित्तीय संस्थाहरु एक आपसमा मर्ज भएका कारण सूचीकृत कम्पनीहरुको संख्या घट्न गएको राष्ट्र बैंकको भनाई छ ।
सूचीकृत कम्पनीहरूमध्ये १५४ वटा बैंक तथा वित्तीय संस्था (बीमा कम्पनी समेत) रहेका छन् भने १८ वटा उत्पादन र प्रशोधन उद्योग, १६ वटा जलविद्युत्कम्पनी, ४/४ वटा होटल तथा व्यापारिक संस्था र ३ वटा अन्य समूहका रहेका छन्।
सिद्धार्थ बैंकले ल्यायो ‘मेरो सेयर खाता’, वार्षिक ६ प्रतिशत ब्याजदर
१२ मेगावाट क्षमताको दोर्दीखोलाको निमार्ण तीन बर्षमा सक्ने लक्ष्य
