अध्यक्ष चापागाईले अहिले बीमाको कुल कमभरेज (पहुँच) पाँच देखि सात प्रतिशतसम्म रहेको बताउँदै यसलाई दोब्बर पारिने बताएका हुन् । समितिले आफ्नो कायैशैलीलाई सशक्त बनाउन नयाँ जनशक्ती थप्ने प्रक्रिया अगाडी बढाएको समेत उनले बताए । कर्मचारी थपिएपछि समितिको काम कारबाही समेत थप चुस्त हुने उनको भनाई थियो ।
साथै उनले नयाँ बीमा कम्पनी संचालनमा आएसँगै पुराना कम्पनीका कर्मचारी तानातानको अवस्था सृजना भएको तर्फ ध्यानकर्षण गराउदै नयाँ कम्पनीहरुलाई नयाँ कर्मचारीहरुलाई नै दक्ष बनाएर काममा लगाउन आग्रह गरे । कर्मचारी तानातानले बीमा क्षेत्रमा अस्वस्थ प्रतिस्पर्धा चलेको उनको भनाई थियो ।
सन नेपाल लाइफ इन्स्योरेन्स कम्पनी शुक्रबारदेखि औपचारिक रुपमा संचालनमा आएको हो । २ अर्ब चुक्ता जारी पुँजी राखेर संचालनमा आएको यस कम्पनीको अध्यक्षमा अनुज कायल छन् भने महाप्रबन्धक कमलराज गौतम रहेका छन् ।
यस कम्पनीमा ७० प्रतिशत सेयर प्रवद्र्धकका रहेको छ । कम्पनीले ३० प्रतिशत सेयर सर्वसाधारणमा निष्काशन गर्नेछ । कम्पनीका काठमाडैको कमलादीमा केन्द्रीय कार्यालय रहेको छ ।
कार्यक्रममा ब्राण्ड एम्बेस्डरका रुपमा उपस्थित भएका सिताराम कट्टेल (धुर्मुस) र कुञ्जना घिमिरे (सुन्तली) ले आफुहरुले सन नेपालको प्रचार प्रसारमा कुनै कमी हुन नदिने बताए ।
कम्पनीका अध्यक्ष अनुज कयालले बीमीतको हितमा कुनै सम्झौता नगर्ने बताउँदै देशका हरेक कुनामा सेवा दिन कम्पनी तयार रहेको धारणा राखेका थिए ।
सन नेपाल लाइफ इन्स्योरेन्समा राजेन्द्र शाक्य, सत्य नारायण क्याल, पवन कुमार बंशल, सुशिल कुमार धुरका, पुस्कर भक्त शर्मा, प्रमोद अग्रवाल र निता शर्मा लगायतको लगानी रहेको छ ।
सिद्धार्थ बैंकले ल्यायो ‘मेरो सेयर खाता’, वार्षिक ६ प्रतिशत ब्याजदर
१२ मेगावाट क्षमताको दोर्दीखोलाको निमार्ण तीन बर्षमा सक्ने लक्ष्य
