इन्स्योरेन्स कम्पनीको सेयर विक्री प्रबन्धक सि.बि.आई.एल क्यापिटलले दिएको जानकारी अनुसार ७५६ रुपैयाँ ७७ पैसा कबोल गर्नेले सेयर प्राप्त गरेका छन् । क्यापिटलले लिलामी सेयरमा आवेदन गरेका ६०८ जना आवेदकमध्ये ९१ जना आवेदकले सेयर प्राप्त गरेका छन् ।
इन्स्योरेन्सको लिलामी सेयरमा अधिकतम ९५० रुपैयाँसम्मको आवेदन परेको थियो । शतप्रतिशत हकप्रद विक्रीपछि कम्पनीको चुक्ता पूँजी ७८ करोड रुपैयाँ पुगेको छ ।
बीमा समितिले दिएको निर्देशन अनुरुप कम्पनीले २०७५ असार मसान्तसम्म एक अर्ब रुपैयाँ चुक्ता पूँजी पुर्याउनु पर्नेछ । यसका लागि इन्स्योरेन्सलाई थप २२ करोड रुपैयाँ पूँजी विस्तार गर्नुपर्ने हुन्छ ।
लुम्बिनी जनरल इन्स्योरेन्सले गत आवमा १९ करोड नौं लाख ७० हजार रुपैयाँ खुद नाफा कमाएर प्रतिसेयर आम्दानी ४८ रुपैयाँ ९७ पैसा कायम गरेको छ । इन्स्योरेन्सको सेयर आइतबार प्रतिकित्ता ९१६ रुपैयाँ हाराहारीमा कारोबार भएको छ ।
कम्पनीको जगेडा कोषमा १८ करोड ८१ लाख ३४ हजार रुपैयाँ तथा बीमा कोषमा ३३ करोड ३१ लाख रुपैयाँ रहेको छ ।
सिद्धार्थ बैंकले ल्यायो ‘मेरो सेयर खाता’, वार्षिक ६ प्रतिशत ब्याजदर
१२ मेगावाट क्षमताको दोर्दीखोलाको निमार्ण तीन बर्षमा सक्ने लक्ष्य
