बैंकले एक लाख ८० हजार ३७८ कित्ता सेयर न्युनतम एक हजार दुई सय रुपैंयाको दरमा लिलाममा राखेको थियो । बैंकले लिलाममा राखेको मध्ये एक लाख २८ हजार पाँच सय कित्ता हाराहारी सेयर मात्र बिक्री भएको हो । कुल १२७ जनाले शेयरकालागि अावेदन दिएका थिए । जसमध्ये ७ अावेदन रद्द हुँदा १२० ले उल्लेखित शेयर सकारेका हुन ।
बजार मूल्यको हाराहारीमा नै लघुवित्तको सेयर लिलाममा राखेका कारण लगानीकर्ताको चाप नदेखिएको हो । केही आवेदकले एक हजार तीन सय रुपैंयाको दरमा लघुवित्तको सेयर सकारेको भए पनि अधिकांस सेयर एक हजार दुई सय रुपैंयाको हाराहारीमा नै बिक्री भएको बुझिएको छ ।
अब बैंकले फेरी बाँकी रहेको डिप्रोक्सको सेयर लिलाम गर्ने संकेत पाइएको छ । बैंकले सिद्धार्थ क्यापिटलको बिक्री प्रबन्धकत्वमा लघुवित्तको सेयर लिलाममा राखेको थियो । उल्लेखित सेयर लिलामीबाट नेपाल बैंकले १५ करोड ६० लाख रुपैंया बराबर आम्दानी गरेको छ । बाँकी सेयरबाट पनि बैंकले पाँच करोड बढी आम्दानी गर्ने आँकलन गरिएको छ ।
नेपाल बैंकले आफ्नो स्वामित्वमा रहेको नागरिक लगानी कोषको २ लाख ११ हजार ५१५ कित्ता संस्थापक सेयर पनि बिक्री गर्ने प्रकृयामा छ । तीन हजार ५० रुपैंया न्युनतम मूल्यमा उक्त सेयर बिक्री गरेर बैंकले साढे ६४ लाख रुपैंया आम्दानी गर्ने योजना बनाएको छ । उल्लेखित सेयर पनि सिद्धार्थ क्यापिटलको बिक्री प्रबन्धकत्वमा लिलाममा राखिएको हो ।
