यस अघि शतप्रतिशत हकप्रद निष्काशन गरी ५४ करोड रुपैंया चुक्ता पूँजी बनाएको इन्स्योरेन्सले ८० प्रतिशत हकप्रद बिक्री गरेर चुक्ता पूँजी ९७ करोड २० लाख रुपैंया पुर्याउन लागेको हो । बीमा समितिले तोकेको निर्जीवन बीमा कम्पनीको एक अर्ब चुक्ता पूँजी पुर्याउन इन्स्योरेन्सले थप तीन करोड पूँजी वृद्धि गर्नु पर्ने हुन्छ ।
धितोपत्र निष्काशन तथा बाँडफाँड निर्देशिका २०७४ ले गरेको व्यवस्था अनुसार इन्स्योरेन्सले साधारण सभा सम्पन्न भएको मितिले दुई महिना भित्र हकप्रद निष्काशनका लागि धितोपत्र बोर्डमा आवेदन दिनु पर्ने हुन्छ ।
साधारण सभाले कम्पनीको नाम परिवर्तन गर्ने प्रस्ताव पनि पारित गरेको छ । अब कम्पनीले आईएमई जनरल इन्स्योरेन्सका नामबाट सेवा प्रवाह गर्नेछ । अघिल्लो साधारण सभामा नै नाम परिवर्तन गर्ने तयारी गरेकोमा आन्तरिक कारणले नाम परिवर्तन हुन सकेको थिएन । कम्पनी रजिष्ट्रारको कार्यालयले स्वीकृत गरे पछि कम्पनीले औपचारिक रुपमा नाम परिवर्तन गर्नेछ ।
मुख्य कार्यालय सहित २२ वटा शाखा कार्यालय, २ वटा सम्पर्क कार्यालय र ८ वटा सेवा काउण्टर गरी कूल ३२ स्थानबाट बीमा सेवा प्रदान गरिरहेको बीमा कम्पनीले चालु आर्थिक वर्षको अन्त्यसम्ममा १९ शखा थप गर्ने तयारी गरेको छ । सो पश्चात सात प्रदेशमा ५१ शाखाबाट आक्रामक रुपमा बीमा व्यवशाय अघि बढाउने लक्ष्य कम्पनीले लिएको छ । आगामी पाँच वर्षमा उत्कृट बीमा कम्पनीका रुपमा स्थापित हुने लक्ष्य सहित इन्स्योरेन्सले यस्तो योजना बनाएको हो ।
असोज ७ गतेसम्ममा झण्डै १४ करोड रुपैंयाको प्रिमियम संकलन गरेको कम्पनीले ७३ करोड ६७ लाख रुपैंया लगानी गरेको जनाएको छ ।
सिद्धार्थ बैंकले ल्यायो ‘मेरो सेयर खाता’, वार्षिक ६ प्रतिशत ब्याजदर
१२ मेगावाट क्षमताको दोर्दीखोलाको निमार्ण तीन बर्षमा सक्ने लक्ष्य
