दोस्रो बजारमा नै डिप्रोक्स लघुवित्तको सेयर मूल्य एक हजार दुई सय रुपैंयाभन्दा तल झरे पछि नेपाल बैंकले लिलाममा राखेको ५१ हजार ७५८ कित्ता साधारण सेयर बिक्री नभएको हो । लिलाम प्रकृयामा एक हजार दुई सय 
रुपैंया भन्दा कम मूल्य कबुल गरेर तीन हजार कित्ता सेयर माग गरिएको थियो । यस बाहेक दुई हजार कित्ता सेयर माग गर्नेले एक हजार दुई सय रुपैंयाभन्दा माथिको मूल्यमा सेयर माग गरेका थिए ।
सेयर बिक्री प्रबन्धकको जिम्मेवारी पाएको सिद्धार्थ क्यापिटलका अनुसार ५१ हजार ७५८ कित्ता मध्ये दुई हजार कित्ता सेयर मात्र बिक्री भएको छ । बाँकी ४९ हजार ७५८ कित्ता सेयर अब नेपाल बैंकले फेरी बिक्री गर्छ वा गर्दैन भन्ने चासो पनि बढेको छ । यसले न्युनतम मूल्य घटाएर बिक्री गर्न चाहेको खण्डमा भने सेयर बिक्री हुन सक्छ ।
यसअघि असोज ४ गतेसम्म एक लाख ८० हजार ३७८ कित्ता साधारण सेयर लिलाममा राखिएकोमा ५१ हजार ७५८ कित्ता सेयर बिक्री भएको थिएन । गत आइतबार दोस्रो बजारमा प्रतिकित्ता १२६६ रुपैयाँमा किनबेच भएको लघुवित्तको सेयर सोमबार ११८५ रुपैंयामा किनबेच भएको थियो । मंगलबार १६ रुपैंयाले बढेर लघुवित्तको प्रतिकित्ता सेयर १२०१ रुपैंयामा किनबेच भएको छ ।
................. सिद्धार्थ बैंकले ल्यायो ‘मेरो सेयर खाता’, वार्षिक ६ प्रतिशत ब्याजदर ..................
.................. १२ मेगावाट क्षमताको दोर्दीखोलाको निमार्ण तीन बर्षमा सक्ने लक्ष्य ..................
