स्टक ब्रोकर एशोसिएसनका अध्यक्ष प्रियराज रेग्मीले साउदलाई भेटी बधाई तथा शुभकामना दिनुका साथै अनलाइन कारोबार प्रणाली छिटो भन्दा छिटो कार्यान्वयनमा ल्याउन ध्यानकर्षण गराएको बताए । 'हामीले उहाँलाई 'पूँजीबजारको दिगो विकास र लगानीकर्ताको हित संरक्षणका लागि सबैपक्षसँग सहकार्य गरेर अगाडि बढ्न आग्रह गर्यौ । साथै अहिलेको कारोबार विनियावलीलाई समय सापेक्ष संशोधन गर्न समेत सुझाब दियौ', रेग्मीले भने ।
ब्रोकर एशोसिएसनका पदाधिकारीहरुसँगको भेटमा नवनियुक्त कार्यकारी साउदले पूँजी बजारको विकासका लागी सरोकारवाला सबै पक्षसँग छलफल र सहकार्य गरेर अगाडि बढ्ने प्रतिबद्धता जनाए ।
उनले बजारको विकासका लागि नै आफु आएकाले जतिसक्दो छिटो अनलाइन कारोबार प्रणाली कार्यान्वयनमा ल्याउनका साथै थाति रहेका बजार विकास र विस्तारका कार्यलाई अगाडि बढाउन कटिबद्ध रहेको जानकारी गराउनका साथै बजारलाई स्वच्छ र पारदर्शी बनाउँदै लगानीकर्ताको हितसंरक्षण गर्न प्रतिबद्ध रहेको बताएको एशोसिएसनका अधिकारीले मेरो लगानीलाई जानकारी दिए ।
मन्त्रिपरिषदको गत सोमबारको बैठकले साउदलाई आगमी चार बर्षीय कार्यकालका लागि (नेप्से)को प्रमुख कार्यकारी अधिकृत नियुक्त गरेको थियो ।
.................. सिद्धार्थ बैंकले ल्यायो ‘मेरो सेयर खाता’, वार्षिक ६ प्रतिशत ब्याजदर ..................
.................. १२ मेगावाट क्षमताको दोर्दीखोलाको निमार्ण तीन बर्षमा सक्ने लक्ष्य ..................