कम्पनीले असोज २७ गते शुक्रबार प्रकाशित गरेको सूचनामा असोज २५ गते प्रकाशित सूचनामा सेयर दाखिला खारेजिको मिति संसाेधन गरेकाे हाे । कम्पनीले सेयर दाखिला खारेजिको मिति कार्तिक ६ गतेदेखि २४ गतेसम्म हुनुपर्ने तथा आर्थिक बर्ष २०७४/ ७५को लेखापरिक्षकको नियुक्ति हुनुपर्नेमा भुलवश अन्यथा हुन गएकाले सच्चाईएको व्यहोरा सेयरधनी तथा सरोकारवालाको जानकारी गराउने कम्पनीले उल्लेख गरेको छ ।
चिलिमे हाईड्रोपावर कम्पनीले यसअघि कार्तिक २४ गते ११ बजे भुकुटीमण्डपमा बोलाएको २१ औं साधारण सभाका लागि सेयर दाखिला (बुक क्लोज) मिति शुक्रबार संसोधन गरेर सूचना प्रकाशित गरेको छ । कम्पनीले यसअघि असोज २५ गते गोरखापत्र दैनिकमा असोज २७ गते सेयरधनी किताब बन्द गर्ने मिति तोकि नेप्सेमा असोज २७ गतेमात्र सूचना दिएको थियो । अब भने कम्पनीले कार्तिक ६ गतेसेयर दाखिला खारेज गर्नेगरि गल्ती संसोधन गरेको हो ।
अहिले धेरैजसो कम्पनीले अघिल्लो दिन नेप्सेले जानकारी दिएर भोलिपल्ट मात्र राष्ट्रिय दैनिकमा सूचना प्रकाशित गर्ने गरेको छन् । केहीले सोहि दिन पनि पनि जानकारी दिने गरेका छन् । चिलिमेले भने एक दिनअघि सूचना प्रकाशित गरेर भाेलिपल्ट असोज २६ गतेमात्र सेयर दाखिला बन्दको जानकारी नेप्सेमा गराएर नियम उलङ्घन गरेको थियाे ।
धितोपत्र बोर्डले जारी गरेको बोनस सेयर सम्बन्धी निर्देशन २०६७ को परिच्छेद ३ मा रहेको सेयर दाखिला बन्दको कानुनी व्यवस्थामा भने बोनस वितरणका लागि साधारणसभा आह्वान गर्दाको सूचनामा सेयरधनी दर्ता किताब बन्दको मिति उल्लेख हुनुपर्ने व्यवस्था रहेको छ ।
मूल्य प्रभावित हुने यस्ता सूचनामा कम्पनीहरुले पटक पटक गल्ति गर्दा लगानीकर्ताले मारमा पर्ने गरेका छन् । चिलिमेको हकमा पनि विहीबार कम्पनीको लाभांश सूरक्षित गर्न सेयर किनेका लागानीकर्ताले आईतबारदेखि विहीबारको भन्दा चिलिमेको सेयरमूलय घट्न थाल्यो भने घाटा व्यहोर्नेछन् । पछाडी किन्ने लगानीकर्ताले थोरै मूल्यमा सेयर किनेर नै लाभांश पाने अवस्था आउनेछ ।
विहीबार कम्पनीको सेयरमूल्य १० रुपैयाँ घटेपनि लाभांशको सूरक्षित गर्न ७ करोड २० लाख रुपैयाँको सेयर कारोबार भएको थियो ।
................. सिद्धार्थ बैंकले ल्यायो ‘मेरो सेयर खाता’, वार्षिक ६ प्रतिशत ब्याजदर ..................
.................. १२ मेगावाट क्षमताको दोर्दीखोलाको निमार्ण तीन बर्षमा सक्ने लक्ष्य ..................