वेष्टन डेभलपमेन्ट बैंकले थाल्यो एकीकृत कारोबार

Oct 15, 2017 Merolgani

दाङको घोराहिमा केन्द्रिय कार्यालय रहेको वेष्टन डेभलपमेन्ट बैंक (WDBL) ले आईतबारबाट नमस्ते वित्तिय संस्था (NBSL) लाई गाभेर एकीकृत कारोबार थालेको छ ।

३४ करोड ५३ लाख १२ हजार रुपैयाँ चुक्ता पूँजी रहेको वेस्टनले ८ करोड ४० लाख रुपैयाँ रहेको नमस्ते वित्तिय संस्था लिमिटेडलाई अाफुमा समाहित गरेकाे हाे ।

वेष्टर्नको गत चैत ३० गते सम्पन्न बैंकको १० औ बार्षिक साधारण सभा तथा नमस्तेको फागुन २७ सम्पन्न नवौं बार्षिक साधारणसभाले गाभिने प्रस्ताव पारित गरेपछि राष्ट्र बैंकले गत भदौ २८ गते गाभ्न/गाभिन स्वीकृति प्रदान गरेको थियाे ।

एक बराबर एक स्वाप रेसियोमा दुई संस्था गाभिएपछि ४३ करोड एक लाख रुपैयाँ चुक्तापूँजी कायम भएको छ । राष्ट्र बैंकले तोकेको ५० करोड रुपैयाँ चुक्ता पूँजी कायम गर्न बाँकी ७ करोड रुपैयाँ गत आर्थिक बर्षको बोनसबाट पुर्याउने योजना रहेको बैंकको छ ।

बेष्टर्न डेलपमेन्ट बैंकले गत आर्थिक बर्षमा ६ करोड ९९ लाख तथा नमस्ते वित्तिय संस्थाले एक करोड ३६ लाख रुपैयाँ खुद नाफा कमाएको छ । दाङ, बाँके र कपिलवस्तु तिन जिल्ला कार्यक्षेत्र रहेको यो बैंकको शाखा सञ्जाल १८ पुगेको छ ।

मर्जर प्रकृयामा रहेका कारण वेस्टर्नको गत चैत २८ गतेदेखि तथा नमस्तेको चैत २७ गतेदेखि सेयर कारोबार रोक्का छ ।

 

................ सिद्धार्थ बैंकले ल्यायो ‘मेरो सेयर खाता’, वार्षिक ६ प्रतिशत ब्याजदर  ..................

.................. १२ मेगावाट क्षमताको दोर्दीखोलाको निमार्ण तीन बर्षमा सक्ने लक्ष्य   ..................

comments powered by Disqus

शिवम् सिमेन्टको शेयर सूचीकरण, कतिमा खुल्छ कारोबार ?

Mar 19, 2019

शिवम सिमेन्ट (SCL) को चैत ५ गते मंगलबार ४ करोड ४० लाख कित्ता शेयर सूचीकृत भएको छ। कम्पनीले मंगलबार नेप्सेसँग काराेबारका लागि सूचीकरण सम्झौता गरेसँगै बिहीबारदेखि कारोबार हुनेछ। बुधबार फागु पूर्णिमाको सार्वजनिक विदा परेकाले चैत ७ गते बिहीबार मात्रै नेप्सेमा कारोबार खुल्ने भएकाे हाे।