कम्पनीले गत बर्षको कमाईबाट १८ प्रतिशत बोनस शेयर तथा कर प्रयोजनार्थ ६.२१ प्रतिशत नगद लाभांस दिने प्रस्ताव गरेको छ ।
होटलको सञ्चालक समितिले प्रस्ताव गरे बमोजिम संस्थापक शेयरधनीको हिस्सा ५५ प्रतिशत र सर्वसाधारण शेयरधनीको हिस्सा ४५ प्रतिशत गराउन एफपिओ जारी गर्ने प्रस्ताव गरिएको कम्पनीले जानएको छ ।
साथै कम्पनीले साधारणसभाबाट संस्थापक शेयरधनीहरुको तर्फबाट पाँच जना र साधारण शेयरधनीको तर्फबाट दुई जना सञ्चालकको निर्वाचन समेत गर्ने भएको छ ।
कम्पनीको वार्षिक साधारण सभा कात्तिक २३ गते नेपाल प्रशासनिक प्रशिक्षण केन्द्र, जावलाखेलमा ११ बजेदेखि हुने भएको छ ।
साधारण सभा प्रयोजनको लागि कम्पनीको शेयरधनी दर्ता पुस्तिका कात्तिक ९ गतेदेखि २३ गतेसम्म बन्द रहेने जनाएको छ ।
कम्पनीको शेयर रजिष्ट्रार एनआईबिएल क्यापिटल मार्केट्स लिमिटेड रहेको छ
होटलको हालको चुक्ता पूँजी ७९ करोड १७ लाख रूपैयाँ छ । प्रस्ताव गरिएको बोनस शेयर वितरणपछि चुक्ता पूँजी ९३ करोड ४२ लाख रुपैयाँ पुग्ने छ ।