कारोबारमा आएका अधिकांस सूचक नकारात्मक रहेपछि समग्र बजार ओरालो लागेको हो । बजार ओरालो लागेपनि कारोबार रकम नघटेकाले लगानीको मनोबल बलियो देखिएको छ ।
५.७२ अंकले घटेर १५५९.१८ अंकमा झरेको नेप्सेमा मंगलबार १६२ कम्पनीका १४ लाख १३ हजार कित्ता शेयर ६१ करोड २० लाख रुपैयाँमा कारोबार भयो।
सबैभन्दा बढी ओरियन्टल होटलको करिब पाँच करोड रुपैयाँको शेयर खरिद बिक्रि भएको छ। कम्पनीले बोनस र एफपिओ जारी गर्ने प्रस्ताव गर्दै साधारणसभा बोलाएपछि कारोबारमा बढोत्तरी आएको हो ।
मंगलबार सबैभन्दा बढी बेस्ट फाइनान्सको सेयरमूल्य करिब १० प्रतिशतले बढेको छ भने हिमालयन डिस्टिलरीको सेयरमूल्य सबैभन्दा धेरै ६ प्रतिशतले घटेको छ ।