६० प्रतिशतले खुद नाफा बढ्यो

थोक लघुवित्त कर्जा प्रबाह गर्ने फर्स्ट माईक्रोफाईनान्स चालु आर्थिक बर्षको प्रथम त्रैमासिक वित्तिय विवरण प्रकाशित गर्ने कम्पनीहरुमध्ये यस बर्ष  पहिलो कम्पनी पनि बनेको छ । लघुवित्तले विहीबार सार्वजनिक गरेको वित्तिय विवरणमा दुई करोड ४१ लाख ३० हजार रुपैयाँ खुद नाफा गरेको उल्लेख छ ।

गत आवको प्रथम त्रैमासिक अवधिको तुलनामा लघुवित्तले खुद नाफा ६०.४५ प्रतिशतले वृद्धि गरेको छ । सो अवधिमा लघुवित्तको खुद नाफा एक करोड ५० लाख ३९ हजार रुपैयाँ रहेको थियो ।

समिक्षा अवधिमा लघुवित्तको खुद व्याज आम्दानी ५३.९८ प्रतिशत र सञ्चालन नाफा ६०.४५ प्रतिशतले बढेको छ । लघुवित्तको जगेडा कोष ६८.६१ प्रतिशतले बढेर नौं करोड ६० लाख रुपैयाँ सञ्चित हुन पुगेको छ ।

४५ करोड ६२ लाख रुपैयाँ चुक्ता पूँजी रहेको फर्स्ट माईक्रोको निष्कृय कर्जा अनुपात शून्य प्रतिशत रहेको छ । प्रथम त्रैमासिक अवधिमा लघुवित्तले चार करोड आठ लाख रुपैयाँ खुद ब्याज आम्दानी तथा तीन करोड ७९ लाख रुपैयाँ सञ्चालन नाफा गर्न सफल भएको छ ।

साढे ७२ प्रतिशतले  चुक्त्ता पूँजी वृद्धि गर्दा समेत लघुवित्तकाे प्रतिसेयर अाम्दानीमा खासै गिरावट अाउन दिएकाे छैन । गत अावमा  २२ रुपैयाँ ७४ पैसा प्रतिसेयर आम्दानी कायम गरेकाे कम्पनीकाे यस त्रैमासमा  २१ रुपैयाँ १५ पैसा कायम भएको छ ।

लघुवित्तको प्रतिसेयर नेटवर्थ १२१ रुपैयाँ पाँच पैसा, पूँजीकोष अनुपात १५.३४ प्रतिशत, तरलता अनुपात १०.९० र मूल्य आम्दानी अनुपात ३९.७५ गुणा बढी रहेको छ ।

बैंकले गत आर्थिक वर्षको कमाईबाट लगानीकर्तालाई १५ प्रतिशत प्रदान गरेको छ । लघुवित्तको बुधबार प्रतिकित्ता ८४० रुपैयाँमा सेयर कारोबार भएको छ ।

................. सिद्धार्थ बैंकले ल्यायो ‘मेरो सेयर खाता’, वार्षिक ६ प्रतिशत ब्याजदर  ..................

.................. १२ मेगावाट क्षमताको दोर्दीखोलाको निमार्ण तीन बर्षमा सक्ने लक्ष्य   ..................