बैंकले असोज महिनाको अन्त्यसम्ममा ३४ करोड ४४ लाख ५७ हजार रुपैंया खुद नाफा कमाएको छ । गत आर्थिक वर्षको यसै अवधिमा बैंकले २७ करोड १६ लाख २२ हजार रुपैंया खुद नाफा कमाएको थियो । समीक्षा अवधिमा बैंकको खुद नाफा सवा ७ करोड रुपैंयाले बढेको हो । बैंकको खुद नाफामा देखिएको यो वृद्धि २१.१४ प्रतिशत हो ।
राष्ट्र बैंकले तोकेको आठ अर्ब पूँजी पुर्याउँदा बैंकको प्रतिसेयर आम्दानी सन्तुलन हुन नसकेको देखिएको छ । बैंकले अहिले कमाएको खुद नाफाका आधारमा प्रतिसेयर आम्दानी १७ रुपैंया २२ पैसा हुन आउँछ । गत आर्थिक वर्षको यसै अवधिमा बैंकको प्रतिसेयर आम्दानी २० रुपैंया ५८ पैसा कायम भएको थियो ।
समीक्षा अवधिमा बैंकको चुक्ता पूँजी ५ अर्ब २७ करोड ८९ लाख ९७ हजार रुपैंयाबाट बढेर ८ अर्ब १२ लाख ५५ हजार रुपैंया पुगेको छ । यसको जगेडा कोषको आकार समीक्षा अवधिमा १ अर्ब १ करोड ५६ लाख ४७ हजार रुपैंयाबाट बढेर १ अर्ब ४० करोड ४० लाख ३५ हजार रुपैंया पुगेको छ ।
निक्षेप तथा कर्जाको आकार बढाएर व्याज आम्दानीमा राम्रो सुधार गरेको बैंकको निष्कृय कर्जाको आकार भने बढेको छ । गत आर्थिक वर्षको यसै अवधिमा ०.०५ प्रतिशत रहेको निष्कउ कर्जा अनुपात अहिले ०.१४ प्रतिशत कायम भएको छ ।
बैंकको प्रतिसेयर नेटवर्थ ११७ रुपैंया २५ पैसा तथा मूल्य आम्दानी अनुपात २०.७६ गुणाले बढी छ ।
------------------------------------------------------------------------------------------------------------------------
................ सिद्धार्थ बैंकले ल्यायो ‘मेरो सेयर खाता’, वार्षिक ६ प्रतिशत ब्याजदर ..................
.................. १२ मेगावाट क्षमताको दोर्दीखोलाको निमार्ण तीन बर्षमा सक्ने लक्ष्य ..................